Yahya 1:5 - Alkitab Duri

⁵ Ia joo Arrang mangngarrang lan kamalillinan, na ia to totuo lan kamalillinan te'da nakullei mpahangngi.

Yahya 1:5 Iomraidhean Croise

Kada Bulawan 1:22

“Ee kamu' to tangmapahangpa, la da'tan bangra kamu'ka cia' mapahang? Ee kamu' to ngkabudai mangcapa', la da'tan bangra kamu'ka mangcapa'? Na kamu' to battuk, la da'tan bangra kamu'ka la ngkaba'ci kapaissenan?

Matius 5:15

Te'da tau mpadukku palita nasamboii busu, apa napajaori ngenan palita, dikua naarrangngi ngasanni to tau lan bola.

Yahya 1:10

Sininna apa lan lino, napaden Puang Allataala mpakei joo Kada, apa ia tonna mentamamo lino, te'da naissenni tolino.

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Roma 1:28

Napupangngelohnai Puang Allataala to tolino mangpikkiri' gaja', anna pugaukki to tangsipato'na, nasaba' nasangai kumua te'damo naparallu nnissen Puang Allataala.

1 Korintus 2:14

Ia to tote'da naampui Roh Allataala, te'da natarimai to apa naajaranni Roh Allataala, nasaba' nasangari ia curita tangtongan. Te'da nakullei mpahangngi apa to naajaranni Roh Allataala, sanga iapi napahangngi ke denni Roh Allataala lan kalena joo tau mpapahangngii.