Yahya 1:4 - Alkitab Duri

⁴ Iamo garonto'na katuoan, na ia toomo Arrang nnarrangngi penawanna tolino.

Yahya 1:4 Iomraidhean Croise

Matius 4:16

Ia to tote'dapa naissen Puang Allataala, susimo to totuo lan kamalillinan, na ngkitamo arrang-Na Puang Allataala. Ia to tau susimo to totorro lan lino tomate, napubua' dosana, naarrangngimi arrang kasalamatan-Na Puang Allataala.”

Lukas 2:32

Iamo mpakanassai to pakkaeloran-Ta' lako bangsa tangngia to-Yahudi, na mpaden kamala'biran lako umma'-Ta' Israel.”

Yahya 11:25

Nakua Puang Isa, “Aku'mo mpangben katuoan sola mpatuo pole' tomate. Ia to tomatappa' lako Aku', la tuo pole', moi namatemo.

Yahya 12:35

Mebalimi Puang Isa nakua, “Cingga'tu'mora tee Aku' arrang ssolan kamu'. Jaji lumingkamo kamu' ke sola unapa kamu' tee arrang, danggi' mikalillinan. Ia to tolumingka lan kamalillinan, te'da naissenni umbora la nanii male.

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 3:19

Iamo tee dinii mpasalai to tolino kumua ratumo tama lino to arrang nnarrangngi, iamo to Anak, apa la'bih nakabudai to kamalillinan, iamo to kagajatan, nasaba' gaja'i to panggaukanna.

Yahya 5:21

Susi to Ambe'-Ku' mpatuo tomate, nabenni katuoan melo te'da cappa'na, susi todami Aku' Anak mpangben katuoan melo te'da cappa'na lako ia to tokukadoangngi.

Yahya 5:26

Susi Ambe'-Ku' makuasa mpatuo pole' tomate, susi toda Aku' naben kuasa mpatuo tomate.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 9:5

Padana' masainna lan lino, Aku'mo arrangna tolino.”

Jamanna Rasulu' 26:23

kumua, ‘Ia to Raja Mangpasalama' nabasse Puang Allataala, la dipakario-rio, apa iamo jolona la tuo pole' jio mai kamatean, dikua anna mbawa arrang, iamo to Kareba Kasalamatan, la lako to-Yahudi la lako bangsa laen.’ ”

1 Korintus 15:45

Den diuki' lan Sura' Allataala kumua, “Kepenawa to pamula tolino, iamo to Adam,” apa penawa mangpatuo to cappa' Adam, iamo to Almaseh.

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

Kolose 3:4

Apa ianna ratu pole'mo to Almaseh, to mben kamu' katuoan baru, iamora joo wattu napajan too to kamala'biran-Na Almaseh ammimala'bih sola.

1 Yahya 1:1

Ia to issinna tee sura', iamo Kada to mangpatuo. Ia joo Kada mangpatuo denmo mammula jiona mai na mangkamo kisa'ding, na kikitamo, na kitoe toomo.

1 Yahya 1:2

Ia joo Kada mangpatuo dipapajan lan lino na kikitamo. Iamo joo kipangpeissenanni lako kamu' kumua indara Ia. Kipaissenni too kamu' kumua Iamo mpangben katuoan melo te'da cappa'na. Mammula jiona mai solai Ambe', Puang Allataala na mangkamo mpapajan kalena lako kami'.

1 Yahya 5:11

Iamo tee to napau Puang Allataala: mangkamiki' naben Puang Allataala katuoan melo te'da cappa'na, na ia tee katuoan jio manda mai Anak Allataala tanii ntarimai.

Pengkitanna Yahya 22:1

Na ia joo malaeka' mpakitanna' to sa'dan malinnong cumbillan susi kristal. Ia to wainna mangpatuo, lolong jio mai cadokkoan mala'bih-Na Puang Allataala na Anak Bembala',

Pengkitanna Yahya 22:16

Mangkadai Puang Isa nakua, “Aku' Puang Isa, mangkamo kusua to malaeka'-Ku' la mpamanassai to sininna tee lako jamaa. Aku'mo bati'na Raja Daud. Aku'mo susi bintuin sulo bai to mangngarrang ke melambi'.”