Lukas 9:51 - Alkitab Duri

⁵¹ Ia tonna la madoi'mo Puang Isa diangka' de' suruga, nakuamo, “La malena' de' kota Yerusalem.”

Lukas 9:51 Iomraidhean Croise

Markus 16:19

Ia tonna mangkamo Puang Isa sipangkada sola anak gurun-Na, tiangka'mi de' suruga, na cumadokko jio sa'de kanan-Na Puang Allataala.

Lukas 12:50

Denpa kamaparrisan tonggo la kuperasai. Na te'da narapa' to penawang-Ku', ke te'dapi najaji.

Lukas 13:22

Lan kalingkan-Na de' kota Yerusalem napasitarruh-tarruhhi Puang Isa to kota na kampong anna mangngajahhi jio.

Lukas 17:11

Ia tonna male Puang Isa de' kota Yerusalem nnola jioi paralla'na tana Samaria na Galilea.

Lukas 18:31

Natambaimi Puang Isa to sangpulo dua anak gurun-Na nakuanni, “Pesa'dingngii! Mangngujumiki' de' kota Yerusalem tee too, anna jaji sininna to mangka nauki' nabi tonna anu' mpauna' tee Aku', Anak Mentolino.

Lukas 19:11

Ia joo wattu mandoppi'mi Puang Isa de' kota Yerusalem, anna sangai tobuda kumua cingga'tu'mora naratu Puang Allataala mangparenta susi Raja. Iamo joo mpatarruhmi curitan-Na mpake pangpasusian lako tau ntuu jio to mpesa'dingngii.

Lukas 19:28

Ia tonna mangkamo mpau ngasanni Puang Isa joo, menjolomi mpatarruh kalingkan-Na de' kota Yerusalem.

Lukas 24:51

Ia tonna pugaukki joo, tiangka'mi de' suruga anna messarak jio mai anak gurun-Na.

Lukas 9:57

Ia tonna mpatarruhmo kalingkan-Na Puang Isa sola anak gurun-Na, denmi mesa' tau mangkada lako Puang Isa nakua, “Oo Puang! La undina' nturu'ki' umbo-umbo taola!”

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”

Yahya 16:5

Apa ia tee too, la polemo' lako tossuana'. Na moi mesa' te'da bang kamu' ngkutanaina' kumua, ‘Umbora la tanii male?’

Yahya 17:11

Na ia tee too la polemo' lako Ambe'. Te'damo kulatorro lan lino, apa lan unapi lino tuu lako taun-Ta'. Oo, Ambe' mala'bih! Kuasan-Ta', to mangka tabenna', nnampaii tuu lako taun-Ta', na memmesa' susi Ambe' na Aku'.

Yahya 6:62

Na umbomo susi jajinna ke mikitana' Aku', Anak Mentolino, endek pole' de' ngenan jolo-Ku'!

Jamanna Rasulu' 1:2

ratu lako kadiangkasanna de' suruga. Ia tonna tuo pole'mo jio mai kamatean, patang pulopa allona nanii pempiran-piran mpangpekitan kalena lako rasulu', na budapa to tanda mpamanassai kumua tuo pole' tonganmi. Ia joo wattu pangpatujun-Na Roh Allataala anna ajahhii to rasulu' mangka napilei. Naajahhi matumbai to akkatta-Na Puang Allataala la mpasalama' na mparenta taun-Na susi Raja.

Jamanna Rasulu' 1:9

Ia tonna mangkamo mpaui joo, tiangka'mi de' suruga nakita rasulu', nabombonni saleu' na te'damo nakitai.

Efesus 1:20

Iamo joo kuasa to mangka napake mpatuo pole' Almaseh jio mai kamatean, napacadokkoi jao cadokkoan mala'bih jio sa'de kanan-Na jao suruga anna mangparenta sola.

Filipi 3:14

Ia tee aku', susina' tomassimbara. Kinjara'na' angge cappa'na la nnampa' paraseng. Ia joo paraseng iamo to kumua nasuana' Puang Allataala mentama suruga, nasaba' kamatean-Na Puang Isa Almaseh.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

Ibrani 6:20

Najoloanmiki' Puang Isa lako ntuu joo, na menjaji Imang Lompota' te'da cappa'na, susi imang Melkisedek.

1 Petrus 3:22

Na endekmi de' suruga, nacumadokko jio sa'de kanan-Na Puang Allataala namangparenta sola, mparenta sininna malaeka', sininna tomakuasa na tomangparenta to wa'ding ngkuasai tolino.