Lukas 9:48 - Alkitab Duri

⁴⁸ Mangkadami lako anak gurun-Na nakua, “Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', natarima toomo to Puang Allataala to ssuana'. Nasaba' ia to tossanga kalena kaminang biccu' jio tangnga-tangngami, iamo kaminang matonggo!”

Lukas 9:48 Iomraidhean Croise

Kada Bulawan 18:12

Ia to tomatampo mparatuan kamasolangan kalena, apa ia to tompamajiong penawanna ditaratte'.

Matius 18:10

Mpatarruhpa kadan-Na Puang Isa nakua, “Ingaranni! Danggi' na den tee pea biccu' mikita majiong. Nasaba' la miissen kumua, den malaeka'na jio olo-Na Puang Allataala jao suruga nnampaii. [

Matius 18:14

Susi toomi Ambe'mu Puang Allataala jao suruga tangnaeloran sala mesa'na joo pea sibiccu' la ta'de kamatapparanna.”

Matius 19:28

Nakuamo Puang Isa lako anak gurun-Na, “La miingaran tee kadang-Ku' kumua, lan Lino Barun-Na Puang Allataala, ia tee Aku', Anak Mentolino, la cumadokkona' jao cadokkoan kaminang mala'bih! Iamo joo wattu milacumadokko toda jao sangpulo dua cadokkoan mala'bih la mparenta sangpulo dua pangrapuanna to-Israel.

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Matius 25:45

La mebalina' kukua, ‘Sitonganna kukuan kamu' kumua, ia to te'da mipugaukki lako tee mai to kupusile'to, moi namakario-rio, battuananna te'da mipugaukki lako kale-Ku'.’

Markus 9:37

“Ia to tontarima pea to susi tee, sanga kamatapparanna lako Aku', pada bang unamo to Aku' natarima. Na ia to tontarimana', tangngia Aku' manda natarima, apa natarima toomo to Puang Allataala to ssuana'.”

Lukas 10:16

Nakuamo Puang Isa lako tonturu'i, “Ia to tau mpesa'dingngi kamu', padamo to Aku' napesa'dingngi. Ia to tote'da natarima kamu', padamo to Aku' te'da natarimai. Na ia to totangntarimana', padamo to Puang Allataalara, to ssuana', te'da natarimai.”

Lukas 14:11

Nasaba' ia to tompamajao kalena la dipamajiong, apa ia to tompamajiong kalena la dipamajao.”

Lukas 22:26

Apa te'da miwa'ding susi joo. Sibalikanna, ia to tossanga kalena tomala'bih, la menjaji tomajiong, na ia to tossanga kalena tomassua, la menjaji todisua-sua.

Lukas 22:30

antamasannang sola, ke menjaji Rajamo'. Na la cumadokko kamu' jao sangpulo dua cadokkoan mala'bih la mparenta sangpulo dua pangrapuanna to-Israel.”

Lukas 7:28

Nakuapa Puang Isa, “Ingaranni, lan tee lino te'da tau la'bih mala'bih na Nabi Yahya, apa moi nasusi joo, ia to tokaminang majiong jio mai umma'-Na Puang Allataala, la'bih mala'bihpa ia na Nabi Yahya.”

Yahya 13:20

La miingaran tee kadang-Ku' kumua, ia tontarimai to tokusua, iamo to ntarimana'. Na ia tontarimana', ia toomo ntarimai to tossuana'.”

Yahya 14:21

Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”

1 Petrus 5:6

Iamo joo, mpupengkajionganmo kamu' kalemi lako Puang Allataala to makuasa njagai kamu', ammidipamajao ke nadete'mi to wattu pura napattantu.

Pengkitanna Yahya 21:14

Ia joo bentengna digaraga jao sangpulo dua batu ariri, na mesa' oi aririnna diuki' oi mesa' sanganna to sangpulo dua rasulu'-Na Anak Bembala'.

Pengkitanna Yahya 3:21

Ia to topatalo kueloran cumadokko jio sa'de-Ku' jao cadokkoan mala'bih-Ku' mangparenta. Susi Aku' patalomo' na cumadokkomo' sola Ambe'-Ku' jao cadokkoan mala'bih-Na kumangparenta sola.