Lukas 9:45 - Alkitab Duri

⁴⁵ Te'da napahangngi anak gurun-Na joo kadan-Na, apa malaja'i ngkutanaii. Dibuniananni joo lako kalena, dikua anna danggi' napahangngi.

Lukas 9:45 Iomraidhean Croise

Matius 16:22

Nasarakki mesami Petrus to Puang Isa anna ta'tanni nakua, “Oo Puang, dennaa upa' napamambelai Puang Allataala joo la jaji lako kale-Ta'!”

Matius 17:22

Ia tonna sirempunmo Puang Isa sola anak gurun-Na jio tana Galilea, nakuamo Puang Isa lako, “Te'damo namasai ia tee Aku', Anak Mentolino, kuladipangben lako kuasanna tolino.

Markus 9:10

Te'da tongan namale ncuritai, apa madoang nnissenni to battuananna joo kadan-Na. Iamo joo nasipangkadai kumua, “Apara battuananna joo nasanga, ‘Tuo pole' jio mai kamatean?’ ”

Markus 9:32

Te'da napahangngi anak gurun-Na joo kadan-Na, apa malaja'i ngkutanaii.

Lukas 18:34

Apa ia joo napau Puang Isa te'da ngasan napahangngi anak gurun-Na, sanga dibuniananni lako kalena. Iamo joo na te'da naissenni anak gurun-Na apa to nasanga Puang Isa.

Lukas 2:50

Apa te'da napahangngi tomatuan-Na joo pebalin-Na.

Lukas 9:46

Site'gehhi to anak gurun-Na Puang Isa kumua indannari to kaminang mala'bih.

Yahya 12:16

Ia joo wattu te'dapa napahangngi to anak gurun-Na Puang Isa joo apa napugauk tau. Apa mangkamira dipakala'bih to Puang Isa tonna dipatuo pole'mo jio mai kamatean, namane' nningaranni kumua, mangkami diuki' lan Sura' Allataala joo napugauk tau lako Puang Isa.

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Yahya 14:5

Nakua Tomas lako Puang Isa, “Oo Puang, te'da kiissenni umbo la tanii male. Na umbo kikua la nnissenni to lalan lako?”

Yahya 4:33

Mangpamulami to anak gurun-Na sikutana-tana nakua, “Denraka tau mbawanni kinande?”