Lukas 9:44 - Alkitab Duri

⁴⁴ “Pesa'dingngii mituli nningaranni tee kadang-Ku'! ‘Ia tee Aku' Anak Mentolino, la dipangbenna' lako kuasanna tolino.’ ”

Lukas 9:44 Iomraidhean Croise

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 26:2

“Miissen kumua duang allopi na pangramean Paskah, na ia tee Aku', Anak Mentolino, la dipangbenna' kudipampang.”

Markus 8:31

Ia tonna mangkamo joo, napamulami Puang Isa nnajahhi anak gurun-Na nakua, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Markus 9:31

nasaba' anak gurun-Na manda la naajahhi. Nakua Puang Isa lako, “Ia tee Aku' Anak Mentolino, la dipangbenna' lako kuasanna tolino, la dibunona', apa allo mangpentallun la dipatuo pole'na' jio mai kamatean.”

Lukas 1:66

Padami tossa'dingngi, mangpikkiri'i nakua, “Ba'tu la umbo ia susinna joo pea keanu'?” Nasaba' pajan, kumua narande pala'i Puang Allataala.

Lukas 18:31

Natambaimi Puang Isa to sangpulo dua anak gurun-Na nakuanni, “Pesa'dingngii! Mangngujumiki' de' kota Yerusalem tee too, anna jaji sininna to mangka nauki' nabi tonna anu' mpauna' tee Aku', Anak Mentolino.

Lukas 2:19

Napallan penawa ngasanni Maryam joo curita, natangngah mandalan tonganni.

Lukas 2:51

Mangkai joo too polemi Puang Isa sola tomatuan-Na re' kota Nazaret, namengkaturu' bang. Napallan penawa ngasanni indona to ianna joo.

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Lukas 9:22

Nakuapa Puang Isa, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Yahya 16:31

Napebalii Puang Isa nakua, “Jaji matappa'mora kamu'ka tee too?

Yahya 16:4

Apa kupauanmo kamu' tee too, anna ia ke jajimi, la miingaran kumua mangka jolomo' mpauan kamu'.” Mpatarruhhi kadan-Na Puang Isa nakua, “Sininna tee kupau te'dapa naden kupauan kamu' mellao jiona mai, sanga sola bang unapiki'.

Yahya 19:11

Mebalii Puang Isa nakua, “Ianna te'da nabenki' Puang Allataala joo kuasa, te'da lalo takullei ngkuasaina'. Iamo joo, na ia to tompangpejokkoanna', la'bih matonggo ia dosana na kita'.”

Jamanna Rasulu' 2:23

Mangkamo napangben Puang Allataala lako kalemi ammipangpebunoanni lako togaja' napampangngi. Apa sitonganna ia joo situru'mo akkatta-Na Puang Allataala mellao jiona mai.

Ibrani 2:1

Mala'bih to Almaseh na ia to malaeka'. Iamo joo nagaja paralluki' nningaranni to pangngajah mangkamo tasa'ding, danggi' nasata'de-ta'dena to kamatapparanta'.