Lukas 9:26 - Alkitab Duri

²⁶ Ia to tongkasirisanna' na te'da naakui to pangngajaran-Ku', la kukasirisan todai tee Aku', Anak Mentolino, ke ratuna' mpupangngarrang kamala'biran-Ku' to susi una kamala'biran-Na Ambe'-Ku' na kamala'biranna malaeka'-Ku'.

Lukas 9:26 Iomraidhean Croise

Daniel 7:10

Mellala'i to api jio mai olo-Na Puang, na massa'bu-sa'bu tomparakai-I, na mangjuta-juta to tau ke'deh jio olo-Na. Cumadokkomi to tomangra'tah kara-kara, nadibukka' to sura'.

Matius 16:27

Te'damo namasai kuratu, Aku' Anak Mentolino sola malaeka'-Ku', angkupupangngarrangngi to kamala'biran-Na Ambe'-Ku'. Ia joo wattu la kunii mbenni assele' panggaukanna to tolino.

Matius 25:31

Mpatarruhhi kadan-Na Puang Isa nakua, “Ia ke ratu pole'na' Aku', Anak Mentolino, sola sininna malaeka'-Ku' mpupangngarrang kamala'biran-Ku', la cumadokkona' jao cadokkoan mala'bih, angkumangparenta susi Raja.

Matius 26:64

Mebalimi Puang Isa nakua, “Ie', susi tuu tapaunna, Aku'mo. Katappa'i kumua, mammula tee wattu, la mikitana' tee Aku', Anak Mentolino, cumadokko jio sa'de kanan-Na Puang Allataala to makuasa, na la ratuna' jao mai langi' lan saleu'!”

Markus 8:38

Ia to tongkasirisanna' na te'da naakui to pangngajaran-Ku' lan tee wattu to nanii gaja' sipa'na natangmatappa' ngasanmo to tau, la kukasirisan todai tee Aku', Anak Mentolino, ke ratuna' sola malaeka'-Ku', mpupangngarrang kamala'biran-Na Ambe'-Ku'.

Yahya 12:43

La'bih nakabudai to kadipujian pole jio mai tolino, na ia to kadipujian pole jio mai Puang Allataala.

Yahya 5:44

Umbo la mikua matappa' lako Aku', ke nnangahra kamu' kadipujian jio mai padammi tolino, na te'da miangahhi to kadipujian pole jio mai Puang Allataala te'da susinna.

Jamanna Rasulu' 10:22

Nakua mebali, “Nasuakan Kamandang Kornelius ratu inde'. Ia mesa' tomelo, to ssompa Puang Allataala, nakasiri' sininna to-Yahudi. Mangka nasua malaeka'-Na Puang Allataala mpeta'dako male lako bolana, dikua nasa'dingngi apa to la mupauanni.”

Roma 1:16

Kukatappa'i tongan kumua ia to Kareba Kasalamatan iamo kuasan-Na Puang Allataala. Iamo carana Puang Allataala mpasalama' tomatappa' lako Puang Isa, la to-Yahudi, la bangsa tangngia to-Yahudi.

2 Korintus 12:10

Jaji, la'bih masannangra' ke tangpakullena', ke tangdiangga'na', ke mapa'dikna', ke disessana', ke masussana', nasaba' mpangjamanna' Almaseh. Mariona', nasaba' ia to wattu kunii tangpakulle, ia toomo joo wattu nabenna' Almaseh kapakullean.

Galatia 6:14

Ia tee aku', te'da kulampemajaoi penawangku', apa mpakala'bihna' Puangta' Puang Isa Almaseh to mangkamo mate jao kaju sitamben. Iamo joo ia to tolino na atoranna te'damo bua'na lako aku'. Susi too aku' lako tolino.

1 Timotius 5:21

La nakita Puang Allataala, Puang Isa Almaseh na malaeka'-Na to napilei, kumeta'da tongan lako iko, ammuturu'i tee mangka kupauanko, danggi' mukabataii moi mesa' tau na te'da too la mupasilaenan.

2 Timotius 1:12

Iamo joo angkumaparri' susi tee lan pangtarungkuan. Apa te'da kukasirisanni, nasaba' kukanassai inda to kukatappa'i. Na kuissen kumua apa to napabarakkanna', makuasa too njagai sanggenna Kiama' lino.

2 Timotius 2:12

Ia ke tatta'ki' sabbara', la mangparentaki' sola Almaseh. Ia ke tapessakkannii, la napessakkanni todaki'.

Ibrani 11:26

Nasangai Nabi Musa kumua la'bih keangga' ke dikita majiongngi sanga matappa'i lako Raja Mangpasalama' to nabasse Puang Allataala la ratu na ia ke namesaii to sininna ewanan jio tana Mesir, sanga rrannuanni pahalana jio ahera'.

Ibrani 13:13

Iamo joo tamalemo lako Puang Isa jio saleanan kampong antadicapa'-capa' sola.

Yudas 1:14

Den kadanna Nabi Henokh tonna anu' mpau joloi tee mai guru tangtongan. Ia joo Nabi Henokh to mangpempitu jio mai Nabi Adam. Nakua kumua, “Kitai! La ratui Puang sola massa'bu-sa'bu malaeka'-Na.

Pengkitanna Yahya 1:7

Kitai, la ratumi natalimbung saleu'. La nakitai sininna bangsa lan lino, nasikarrakan, moi to tomangka ndokeii. Nang tongan! Amin.

Pengkitanna Yahya 20:11

Mangkai joo too ngkita omo' cadokkoan mala'bih mabusa na matonggo, na Puang Allataala cumadokko jao. Ia to langi' sola lino lanynya'i jio mai olo-Na nate'damo dikita.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Pengkitanna Yahya 3:5

Na ia to topatalo la kupapakeii pakean mabusa na te'da too kuta'deii sanganna lan Sura' Katuoan. Na la kuakui jio olo-Na Ambe'-Ku' sola sininna malaeka'-Na kumua umma'-Ku'.