Lukas 8:43 - Alkitab Duri

⁴³ Den mesa' baine to sangpulo duamo taunna maparri' tongan nasa'ding, nasaba' macarepa tarruh bangngi. Puramo to ewananna nabaluk napake male mangpejampi lako dottoro', apa te'da nakullei mpamalagahhi.

Lukas 8:43 Iomraidhean Croise

Markus 12:44

Nasaba' ia tuu mati' tau mangpangben jio mai kala'bianna, apa ia tee baine kaasi-asi mangpangben jio mai kakuranganna. Napangben ngasan to la naputuona.”

Markus 9:18

Ia ke natamai omi joo setang, mpessambakan omi kalena do' litak, sanggenna mangkambura-bura to kasolena, sunggarigi', namatoro to kalena. Kupeta'damo lako anak gurun-Ta', kumua naula'ii joo setang, apa te'da nakullei.”

Lukas 13:11

Den baine jio, sangpulo karuamo taunna sopok, nasaba' natamaii setang, na te'da nakullei maruruh jenjen, sanga bukku'i.

Lukas 13:16

Ia tee baine bati'na Nabi Ibrahim nakuasai Ballisi' sangpulo karuamo taunna. Iamo joo nasipato' dila'paran jio mai kuasanna Ballisi' ke Allo Katorroanni.”

Lukas 8:27

Ntuu jio den mesa' tau jio mai kota to natamai buda setang. Masaimo tangmebaju na te'damo namadoang torro jio bola. Torro lan bangmira lo'ko' tomate. Pembudai nakuasai setang, anna moi dipumpung rante bassi to limanna sola ajena nadiampai bang, apa naka'tu-ka'tupa to pumpungna, na male ngkinjarasanni setang lako padang pallawangan. Ia tonna mellaomo Puang Isa jao mai lopi, ia joo tonatamai setang male mpessitammuii. Ia tonna kitami to Puang Isa, nakandoppi'mi nasuju' jio olo-Na, nnandongngi mangkada nakua, “Oo, Puang Isa, Anak Allataala to kaminang makuasa! La tapatumbamora' tee? Meta'dana', danggi' dikka' tacallana'!” Mangkadai susi joo, nasaba' nasuai Puang Isa joo setang messun lan mai kalena.

Lukas 8:42

nasaba' la mate mandamo to mesa-mesanna anakkana baine umuru' sangpulo duamo taunna. Malemi Puang Isa lako bolana Yairus na gaja buda tau nturu'i ssisi'pin-si'pinnii.

Lukas 8:44

Malemi mpendete'i Puang Isa jio mai boko'-Na, anna kaka'i to tampak baju lando-Na, nata'pa te'damo rara messun.

Yahya 9:1

Ia tonna liu lalan Puang Isa, ngkitai tobuta simula jajinna.

Yahya 9:21

Apa matumbai nawa'dingmo pakita tee too, te'da kiissenni. Na inda mpapakitai, te'da too kami' kiissenni. Takutanai bangmi, sanga matonggomo ia. Wa'dingmo mpebalian kalena.”

Jamanna Rasulu' 3:2

Den mesa' muane kupi' mammula jajinna, jio bang sikandoppi' babangan to disanga Babangan Ballo. Allo-allo tuli nabawa tau lako la meta'da-ta'da lako to tau mentama Bola Puang Allataala.

Jamanna Rasulu' 4:22

La'bimi patang pulo taunna joo todipamaleke.