Lukas 8:41 - Alkitab Duri

⁴¹ Ratumi Yairus mesa' kapala bola passambajangan jio ntuu joo kota. Suju'mi jio olo-Na Puang Isa namengkamalah-malah tongan kumua namale lako bolana,

Lukas 8:41 Iomraidhean Croise

Lukas 13:14

Mabirihmi joo kapala bola passambajangan, nasaba' napamaruruhhi Puang Isa joo tobukku' na Allo Katorroan. Iamo joo namangkada lako tau nakua, “Den annan allona dinii mangjama, allo-allo iapa joo minii ratu ammidipakaruruh ba'tu dipamalagah, danggi' anna Allo Katorroan!”

Lukas 17:16

Ia tonna ratumo lako Puang Isa suju'i jiong to' aje-Na mangkurru sumanga'. To-Samaria joo tau.

Lukas 5:8

Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Lukas 8:42

nasaba' la mate mandamo to mesa-mesanna anakkana baine umuru' sangpulo duamo taunna. Malemi Puang Isa lako bolana Yairus na gaja buda tau nturu'i ssisi'pin-si'pinnii.

Lukas 8:49

Ia tonna mangkada unapa Puang Isa susi joo, ratumi mesa' todisua jio mai bolana Yairus. Nakua lako Yairus, “Danggi' omo tasussai tuu Guru male lako bola. Matemi to becce'ta'.”

Yahya 11:21

Nakua Marta ngkuan Puang Isa, “Oo Puang ia ke la inde'ki' joo wattu, te'da nalamate to sile'toku'.

Jamanna Rasulu' 13:15

Ia tonna mangkamo dibaca sura'na Nabi Musa sola sura' nabi laen, massuami to kapala bola passambajangan ngkuan tau namekutana lako Paulus sola solana. Nakuanni, “Ee todipusile'to! Tulungkan mipaui ke denni kada pangpangngajah lako tee mai tau.”

Jamanna Rasulu' 18:17

Najokkoi tobuda to Sostenes, kapala bola passambajangan, natundunni jio olona bola pangra'tasan kara-kara. Apa te'da napuinawai Gubernur Galio.

Jamanna Rasulu' 18:8

Na ia to kapala bola passambajangan disanga Krispus matappa'i ia sintong repokkona lako Puang Isa. Na buda toopa to-Korintus laenna to mpesa'dingngi pangngajahna Paulus matappa' lako Puang Isa, nadijio' sola ngasan.

Jamanna Rasulu' 9:38

Te'da namambela joo kota Yope jio mai kota Lida. Jaji, ia tonna issenni to tomatappa' lako Puang Isa jio kota Yope, kumua jioi kota Lida to Petrus, den dua tau nasua male ngkuan Petrus, namadoi' ratu.

Pengkitanna Yahya 5:8

Ia tonna alami, ia to a'pa' olok-olok sola to duang pulo a'pa' tomatua-tua suju' ratu do' litak jio olona joo Anak Bembala'. Pada sitoe cu'bekan sola mangko' bulawan nanii dupa. Ia joo dupa, iamo passambajangna umma'-Na Puang Allataala.