Lukas 8:3 - Alkitab Duri

³ Susi too Yohana, bainena Khuza. (Ia to Khuza nnurusu' doi'na Raja Herodes.) Den tooi Susanna na ba'tu pira-pirapa baine laenna. Ia tuu lako baine pada mpasadia kaparalluanna Puang Isa sola anak gurun-Na mpake kasugiranna.

Lukas 8:3 Iomraidhean Croise

Matius 14:1

Ia joo wattu nasa'dingmi Raja Herodes Antipas, to mparenta tana Galilea, to karebanna Puang Isa.

Matius 14:3

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Madoangngi la mpangpebunoanni, apa malaja'i lako tobuda, nasaba' nasanga ia tau nabi to Yahya. Iamo joo napangpejokkoan bangri nadipumpung dipatama pangtarungkuan.

Matius 14:6

Ia tonna mpengngingaranni allo kajajianna Raja Herodes menari'i to anakkana baine Herodias napengkitaii toratu, na liwa' napumasannang Raja Herodes.

Matius 2:11

Mentamami bola tee topakita bintuin, nakitai joo pea sola Maryam indona, anna suju' ssompai. Nabukaimi to sepu' ewanan nabawanni tee pea, napangngoloi to bulawan, kamanynyang sola mur.

Matius 20:8

Ia tonna kabuhmo allo, nakuanmi ampu bara'bah to bandoro'na, ‘Tambaimi tuu lako tokumande gaji, nadipagaji. Bajahhi jolo' to undinna mentama, namane' ia to jolona nasitarruhna.’

Matius 25:40

La mebalina' kukua, ‘Sitonganna kukuan kamu' kumua, ia to mipugauk lako tee mai to kupusile'to, moi namakario-rio, battuananna mipugauk lako too Aku'.’

Matius 26:11

Ia to tokaasi-asi, la den punala bang ia misolan, apa ia tee Aku' te'da ammilassolan tarruhna'.

Matius 27:55

Den too buda baine ntuu jio mambela-bela bang mengkita. Iamo to nturu'mo Puang Isa nabalii tonna jio unapa tana Galilea.

Lukas 24:10

Ia to baine to mpaui joo lako rasulu'-Na Puang Isa, iamo to Maryam Magdalena, Yohana na Maryam indona Yakub, na ia to baine laen to nasolan.

Yahya 12:6

Tangngia tokaasi-asi natangngaran Yudas namangkada susi joo, apa madoangri mbokoi. Biasamo mboko doi' kasirempunan dianna lan sepu', sanga ia nnannai.

Jamanna Rasulu' 13:1

Den ba'tu pira-pira nabi sola guru jamaa jio kota Antiokhia: Barnabas, Simeon to disanga too tomalotong, Lukius to-Kirene, Menahem to dipelobohhi sola Raja Herodes Antipas tonna peapa, na Saulus.

2 Korintus 8:9

Miissen kumua gaja napakamoja' kamu' Puangta' Puang Isa Almaseh. Sugih Ia, apa mpupengkaasi-asii kalena nasaba' kamu', anna ia joo kakaasi-asian-Na mpupessugih kamu'.

Filipi 4:22

Sininna umma'-Na Puang Allataala inde' kota massallang ngasanni mati', la'bih-la'bih to torro jio bola Tomaraja Roma.

1 Timotius 5:10

kaissenan kumua melo panggaukanna, susinna njampang melo anakkana, masannang ke den tau leppangngii, mbalii tomatappa', ntulung tomasussa, na tuli mpugauk kamakassingan laennapa.