Lukas 8:25 - Alkitab Duri

²⁵ Nakuamo lako anak gurun-Na, “Ciapari na te'dara mikatappa'ina'!” Jangngah ngasanmi sola silajatanni nasipangkada-kada sikutana, “Indara ia sitonganna tee tau na moi angin sola bombang nturu' tooi to parenta-Na!”

Lukas 8:25 Iomraidhean Croise

Kada Bulawan 30:4

Indara to mellao mende' suruga? Indara to wa'ding ngka'pan angin? Indara to wa'ding mbukkuq wai mpake kaen, ba'tu nnanggean tampak lino? Ia ke muissenni paui kee, indara sanganna na indara sanganna anakkana?

Kada Bulawan 8:29

Jiona' ton-Napattantui to randan tasik danggi' naliwa'i wai to dianggeanni, na jio toona' ton-Napattantui to cappa' lino jiongna liu.

Matius 14:31

Ta'pa malemi Puang Isa ngkorongngii natoei, nakuanni, “Ee Petrus, ammubatara? Ciapari na te'da mukatappa'ina'?”

Matius 17:20

Mebalimi nakua, “Malammai to kamatapparanmi. La miingaran tee kadang-Ku' kumua, ia ke denni kamatapparanmi moi pada bangra lise' sawi, wa'ding kamu' kumua lako tee buntu, ‘Tiangka'ko lako ntuu joo’, nang la tiangka' ia. Te'da to apa tanglamikulle mipugauk. [

Matius 6:30

Ee, totangmatappa'! Ia ke naballoii Puang Allataala to reu jio padang susi joo, to tuo tee allo, na masawa disumpun, apa pole'raka to kamu' sola ngasan!

Matius 8:10

Jangngahmi Puang Isa ssa'dingngi joo kadanna. Messailemi anna mangkada lako tobuda to undi nturu'i nakua, “La miingaran tee kadang-Ku' kumua, liwa' matappa' tee tau! Te'dapa tau kuampa' kamatapparan susi tee, moi lan tangnga-tangngana to-Israel!

Matius 8:26

Mebalimi nakua, “Ammimalaja'ra na te'da mikatappa'ina'!” Ke'dehmi nagarra'i to kalimpuru sola bombang, narapa' to tasik.

Markus 4:35

Ia tonna karuenmo, nakuanmi Puang Isa to anak gurun-Na nakua, “Melo ke talamban lian sambali'na tasik.”

Lukas 12:28

Ee, totangmatappa'! Ia ke naballoii Puang Allataala to reu jio padang susi joo, to tuo tee allo na masawa disumpun, apa pole'raka to kamu' sola ngasan!

Lukas 8:24

Malemi to anak gurun-Na ntundanni nakua, “Oo, Guru, la tallanmiki'!” Mi'cokmi to Puang Isa nagarra'i to kalimpuru sola bombang. Radanmi to kalimpuru narapa' to tasik.

Lukas 8:26

Lambanmi Puang Isa sola anak gurun-Na lian tana Gerasa sambali'na Tasik Galilea.

Yahya 11:40

Mebalii Puang Isa nakua, “Mangkako kupauan kumua la mukita to kamala'biran-Na Puang Allataala, ke matappa'ko!”