Lukas 8:2 - Alkitab Duri

² Den ba'tu pira-pira baine undi too nturu'i. Den to mangka naula'i Puang Isa to setang lan mai kalena sola napamalagah jio mai sakinna. Susinna Maryam Magdalena to pitu setang napissenni naula'i lan mai kalena.

Lukas 8:2 Iomraidhean Croise

Matius 4:24

Kaissenanmi to Puang Isa ratu re' tana Siria. Iamo joo nasabuda-budanna tau ratu lako kale-Na ssolan tomasaki to mangrupa-rupa sakinna sola kamapa'dikan, susinna tonatamai setang, tota'taran sola tokupi', napamalagahhi.

Markus 16:1

Ia tonna mangkamo Allo Katorroan, malemi Maryam Magdalena, Maryam indona Yakub na Salome nnalli minynya'-minynya' busarungngu' la naminynyakan batang rabukku-Na Puang Isa.

Markus 16:9

Ia tonna tuo pole'mo Puang Isa, allo Aha' melambi', mpangpekitanmi kalena lako Maryam Magdalena. Ia joo Maryam, mangka nanii Puang Isa nnula'i pitu setang.

Lukas 23:27

Buda tau meundi jio boko'na Puang Isa. Den too ba'tu pira-pira baine to-Yerusalem. Ia tuu lako baine ngkillakki sola mbatingngi Puang Isa.

Lukas 23:49

Na sininna to sola-Na Puang Isa, jio tooi to baine nturu'i jio mai tana Galilea, jenjen mambela-bela bangngi ngkita ngasanni joo.

Lukas 23:55

Ia tuu lako baine to ratu jio mai tana Galilea sola Puang Isa, malei sola Yusuf, anna kitai joo liang nakita tooi umbo nakua joo batang rabukku-Na Puang Isa dibujuh lan liang.

Lukas 8:30

Nakutanaimi Puang Isa nakua, “Indara sangammu?” Mebalimi nakua, “Disangana' Legiun”, nasaba' buda setang lan kalena.

Yahya 19:25

Jio siandah kaju sitamben-Na Puang Isa, ke'dehhi indo-Na Puang Isa sola indoure-Na Puang Isa, na Maryam balinna Klopas sola Maryam Magdalena.

Jamanna Rasulu' 1:14

Sangnginawa bangngi sola ngasan sirempun massambajang sola ba'tu pira-pira baine na Maryam indo-Na Puang Isa na sile'to-Na.