Lukas 8:15 - Alkitab Duri

¹⁵ Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Lukas 8:15 Iomraidhean Croise

Kada Bulawan 3:1

Ee anakku', danggi' mukalupaii to kuajaranko. Tuli ingaranni to parentaku'

Matius 24:13

Apa ia to tomatappa' tarruh ratu lako ssalainna lino, iamo la salama'.

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Lukas 6:45

Ia to tomelo penawanna, la melona ia to napau, nasaba' kameloan manda lan penawanna. Na ia to togaja', gaja'na bangra napau, nasaba' kagajatan manda lan penawanna. Nasaba' apa lan penawanna tau, iamo napau timu.”

Lukas 8:14

Ia to banne ta'pah lan tangnga duri dipasangrapangngi to tossa'ding kadan-Na Puang Allataala, apa mpuselangngi katuoanna. Madoang bangri la sugih mpusannang katuoan lan lino, to nni'pinni joo kada lan penawanna, anna te'da namembua melo.

Lukas 8:16

Mangngajahhimi Puang Isa nakua, “Te'da tau mpadukku palita nasamboii busu, ba'tu napajiongngi sulluk katindoan, apa napajaori ngenan palita, dikua naarrangngi to tau ke mentamai bola.

Yahya 14:15

Mpatarruhhi kadan-Na Puang Isa nakua, “Ia ke mipakamoja'na', la mituru' ngasan to parenta-Ku'.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

Roma 6:22

Apa ia tee too la tuo kamu' susi to sipato'na tau mesan-Na Puang Allataala na la nnampa' kamu' katuoan melo te'da cappa'na, nasaba' mangkamo kamu' dila'paran jio mai kuasa dosa, mimengkaunan lako Puang Allataala.

Roma 7:18

Kuissen kumua tangmelo to penawangku', nasaba' moi madoangna' mpugaukki to melona, te'da kukullei mpugaukki.

Roma 7:4

Susi too kamu' to todipusile'to. Ia tonna jolona napukaunan kamu' atoran agama. Apa ia tee too dila'paranmo kamu' jio mai atoran agama, nasaba' mangkamo kamu' mate sola Almaseh. Jaji ia tee too taun-Namo kamu' Almaseh to dipatuo pole' jio mai kamatean, anna ia to katuoanmi makkeguna lako Puang Allataala.

Roma 8:25

Apa ia ke te'dapi taampa'i to apa tarannuan, la sabbara'ki' ntajanni.

1 Korintus 7:19

Naturu'i ba'tu tangnaturu'i joo atoran sunna', pada bang unai pada te'da bua'na. Ia to kaminang parallu, iara to nturu' parenta-Na Puang Allataala.

Efesus 2:8

Dipasalama' kamu', nasaba' kameloan penawan-Na Puang Allataala, sanga matappa' kamu' lako Puang Isa. Na ia joo tangngia kamu' nnangahhi, apa barakka'-Nara Puang Allataala.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

Kolose 1:6

to nasa'dingmo tau lan lili'na lino, na mpaden barakka' lako tau. Susi toomo kamu' nabarakka'i sipamulanna misa'ding, ammiperasai tonganni to kameloan penawan-Na Puang Allataala.

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Ibrani 2:1

Mala'bih to Almaseh na ia to malaeka'. Iamo joo nagaja paralluki' nningaranni to pangngajah mangkamo tasa'ding, danggi' nasata'de-ta'dena to kamatapparanta'.

Yakub 1:4

La sasabbara'-bara'na kamu', anna te'damo caccami ba'tu kakuranganmi.

1 Yahya 2:3

Ia ke nturu'ki' parenta-Na Puang Allataala, iamo tandana kumua nnissenmiki' Puang Allataala.