Lukas 8:1 - Alkitab Duri

¹ Mangkai joo too, malemi Puang Isa llelei buda kota sola kampong mpangpeissenan Kareba Kasalamatan kumua la ratumi Puang Allataala mangparenta susi Raja. Ia to sangpulo dua anak gurun-Na undi nturu'i.

Lukas 8:1 Iomraidhean Croise

Matius 11:1

Ia tonna mangkamo Puang Isa nnajahhi sangpulo dua anak gurun-Na, mpatarruh pole'mi kalingkan-Na male lako kampong to nasiandaran mpangpeissenan Kareba Kasalamatan.

Matius 13:19

Ia to banne ta'pah do' lalan dipasangrapangngi to tossa'ding kareba kumua la ratui Puang Allataala mangparenta susi Raja, apa te'da napahangngi. Ratumi to Ballisi' rrampai joo kareba mangkamo nasa'ding.

Matius 4:23

Male bangmi to Puang Isa mpasitarruh-tarruh kampong jio tana Galilea, namangngajahhi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah mangrupa-rupa sakinna tau.

Matius 9:35

Mangkai joo too, malemi Puang Isa llelei kota sola kampong napasitarruh-tarruhhi. Mangngajahhimi lan bola passambajangan, mpangpeissenan Kareba Kasalamatan kumua la ratumi Puang Allataala mangparenta susi Raja, na mpamalagah tau to mangrupa-rupa sakinna.

Markus 1:39

Iamo joo, namale Puang Isa mpasitarruh-tarruh kampong jio tana Galilea, namangngajahhi jio bola passambajangan, anna nnula'i buda setang.

Lukas 1:80

Samatonggo-tonggona na saendek-endekkena toomi sumanga'na tee anakkana Zakharia. Torromi jio padang pallawangan, sanadete'na wattunna mpangpekitan kalena lako to-Israel.

Lukas 20:1

Den pissen tonna mangngajahhi Puang Isa lako tobuda lan Bola Puang Allataala mpangpeissenan Kareba Kasalamatan, ratumi to kapala imang, guru agama na pekaamberan to-Yahudi ssikitanni.

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Lukas 9:6

Ia tonna mangkamo Puang Isa mbenni pepasan, malemi to anak gurun-Na mpasitarruh-tarruh kampong mpangpeissenanni to Kareba Kasalamatan. Na mpamalagah too tomasaki.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 13:32

Na ia tee kami' kipauanmo kamu' to Kareba Kasalamatan, kumua ia to apa pura nabasse Puang Allataala lako tojolota',

Roma 10:15

Na umbo la nakua tau mpangpeissenanni to Puang ke te'da nadisua mpangpeissenanni? Den diuki' lan Sura' Allataala kumua, “Liwa' melona karatuanna to tomale mpangpeissenan Kareba Kasalamatan jio mai Puang Allataala.”