Lukas 7:6 - Alkitab Duri

⁶ Malemi Puang Isa sola joo tau. Ia tonna mandoppi'mo bolana joo komandan, ssuami solana mpauanni nakua, “Oo, Puang! Danggi'mo tabojo'i bang kale-Ta' male lako bolaku'. Te'da kusipato' la ntarimaki' jio bolaku'.

Lukas 7:6 Iomraidhean Croise

Kada Bulawan 29:23

Ia to tomatampo nakita soloh tau apa tompamajiong penawanna la dipuji.

Matius 20:28

Susi tee Aku', Anak Mentolino, te'da kuratu tama lino la massua, apa ratura' la menjaji todisua-sua sola la mpangben sunga'-Ku' kumua nadila'bak to tolino jio mai dosana.”

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Markus 5:24

Malemi Puang Isa sola Yairus. Buda tau male nasiturusan, nasisi'pin-si'pinni bangmi tau.

Lukas 5:8

Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Lukas 7:4

Ia tonna sitammumo Puang Isa, memmasei nakuanni, “Ee Puang, sipato' tatulung joo komandan,

Lukas 7:5

nasaba' nakamaseiki' to kita' to-Yahudi, nakabuatankan bola passambajangan.”

Lukas 7:7

Iamo joo na te'da too kusipato' ssitammuanki'. Jaji, mangkada bangmiki', napumalagahhi to kaunanku'.

Lukas 8:49

Ia tonna mangkada unapa Puang Isa susi joo, ratumi mesa' todisua jio mai bolana Yairus. Nakua lako Yairus, “Danggi' omo tasussai tuu Guru male lako bola. Matemi to becce'ta'.”

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Yakub 4:10

Danggi' mimatampo jio olo-Na Puang, anna pamatande kamu'.

Yakub 4:6

Moi nasusi joo, la'bih makuasa ia to pammase-Na Puang Allataala na ia to kamadoangan penawanta'. Iamo joo naden too diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”