Lukas 7:47 - Alkitab Duri

⁴⁷ La miingaran kumua, liwa' pangpakamoja'na, nasaba' didampanganmo ia, moi nabuda dosa napugauk! Ia to toci'di'ra dosana didampangan, la ci'di' toora pangpakamoja'na.”

Lukas 7:47 Iomraidhean Croise

Matius 10:37

Inda-inda to la'bih mpakamoja' tomatuanna na Aku', tangsipato' menjaji taung-Ku'. Susi toomi to la'bih mpakamoja' anakkana na Aku'.

Lukas 7:39

Ia tonna kitami Simon to-Farisi to apa napugauk joo baine, mangkadai lan penawanna, “Ia kenna la nabi tee tau, la naissen ia kumua tomatumbara joo baine ssapuii. Tantu la naissen kumua tomadosa!”

Lukas 7:46

Te'da muminynyakkii to ulung-Ku', apa ia tee baine natua'i minynya'-minynya' to aje-Ku'.

Lukas 7:48

Nakuamo Puang Isa lako joo baine, “Didampanganmoko.”

Jamanna Rasulu' 5:31

Napamatande napajioi sa'de kanan-Na, namenjaji Raja Mangpasalama', dikua anna den wattunna to bangsa Israel namengkatoba' jio mai dosana na didampangan.

Roma 5:20

Ia to atoranna Nabi Musa nabenni Puang Allataala, dikua namanassa kumua madosa to tolino. Sanapengkulleinna tolino nturu'i to atoran, sabuda-budanna to dosa napugauk. Apa moi sabuda-budanna dosana to tolino, samelo-melona penawan-Na Puang Allataala lako tolino.

2 Korintus 5:14

Napamasumanga'kan pangpakamoja'-Na Almaseh, sanga kiissen kumua ia ke mesa' tau mpumate sininna tau, pada to kumua sininna tau mate ngasanmi.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Efesus 6:24

Dennaa upa' nabarakka'i Puang Allataala sininna tau to mpakamoja' tarruhhi to Puangta' Puang Isa Almaseh. Padamo jolo' too. Sallangki' mati', Paulus.

Filipi 1:9

Massambajangna', dennaa upa' mipede' mpakamoja' Puang Allataala mipakamoja' too padammi rupa tau, na samacca-maccammi nnissen pangngajaran tongan na samandalan-dalanna to tangngahmi.

1 Timotius 1:14

Napakabuhhina' kameloan penawan-Na Puangta', to mpupemmatappa'na' lako kale-Na, angkupakamoja' padangku' rupa tau. Ia joo napugauk Puang lako kita' sola ngasan, tontamesa' penawamo sola Puang Isa Almaseh.

1 Yahya 1:7

Apa ia ke tuoki' situru' pakkaeloran-Na Puang Allataala, mesa' penawamiki' sola padanta' tomatappa', anna ia to rara-Na Puang Isa, Anak Allataala, mpemaceroiki' jio mai sininna dosata'.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Yahya 4:19

Mangpakamoja'ki', nasaba' napakamoja'ki' Puang Allataala.

1 Yahya 5:3

Mpakamoja' Puang Allataala battuananna nturu' parenta-Na. Na ia to parenta-Na te'dara masussa dituru',