Lukas 7:16 - Alkitab Duri

¹⁶ Malaja' ngasanmi tuu lako tau na mpakala'bih Puang Allataala nakua, “Denmo mesa' nabi tonggo lan tangnga-tangngata'. Ratumi Puang Allataala mpasalama' umma'-Na!”

Lukas 7:16 Iomraidhean Croise

Matius 15:31

Jangngah ngasan to tau ngkitai tuu lako tokupi' lumingka, tokeppang memmaruruh lingkana, tobuta pakita, na tomamang mangkada. Pada mpakala'bihmi Puang Allataala, Puangna to-Israel.

Matius 21:11

Mebalimi tee mai tau undi nturu'i nakua, “Nabi Isa jio mai kota Nazaret jio tana Galilea.”

Matius 28:8

Ta'pa malemi tuu lako baine ssalai joo liang. Moi namalaja', apa gaja parannui male kinjara' la mpauanni anak gurun-Na Puang Isa joo apa mangka jaji.

Matius 9:8

Ia tonna kitami tobuda joo apa jaji, silajatan ngasanni, anna mpakala'bih Puang Allataala to mpangben kuasa liwa' tonggo lako tolino.

Lukas 1:65

Malaja' ngasanmi to bali bolana, na ia ngasan tau ncuritai joo kareba jio sininna membuntunna tana Yudea.

Lukas 1:68

“Tapakala'bihhi to Puang Allataala, Puangta' kita' to-Israel, sanga ratumi ntulungki' anna la'bakki'.

Lukas 19:44

Na la nasabu'i kotamu sola issinna sanggenna te'damo batu sitodo', nasaba' te'da mupahangngi wattunnami ratu Puang Allataala mpasalama'ko.”

Lukas 2:20

Pole ngasanmi tuu lako tomangrewa mpakala'bih Puang Allataala, nasaba' padami to apa nakita, nasa'ding, susi to apa mangka napauanni malaeka'.

Lukas 24:19

Nakutanaii Puang Isa, “Apara ia joo?” Napebalii nakua, “Ia to Puang Isa, to-Nazaret, mesa' nabi. Makuasa sininna buangan kadan-Na anna pugauk buda tanda mejangngaran to natonganan Puang Allataala, la'bih-la'bih tobuda.

Lukas 5:26

Jangngah ngasan tuu lako tau anna mpakala'bih Puang Allataala. Silajatan ngasanni nakua, “Liwa' mejangngaran to apa takita tee allo!”

Lukas 5:8

Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Lukas 7:15

Mi'cikmi na cumadokko joo pea muane tuo pole'mo anna mangkada-kada. Nasolanmi Puang Isa lako indona.

Lukas 7:39

Ia tonna kitami Simon to-Farisi to apa napugauk joo baine, mangkadai lan penawanna, “Ia kenna la nabi tee tau, la naissen ia kumua tomatumbara joo baine ssapuii. Tantu la naissen kumua tomadosa!”

Lukas 8:37

Napeta'dami to-Gerasa lako Puang Isa kumua nasalaii joo tondok, nasaba' gaja laja'i. Endekmi de' lopi to Puang Isa nalamban pole' lian.

Lukas 9:19

Mebalimi nakua, “Den tau kumua Nabi Yahya, den too tau kumua Nabi Elia, na ia to laenna kumua sala mesa'na nabi tonna anu' to tuo pole'.”

Yahya 1:21

Mekutana pole'i nakua, “Ia ke susii tuu, indariki'? Kita'raka Nabi Elia?” Mebalii Nabi Yahya nakua, “Tangngiana'.” Mekutana unapi nakua, “Kita'moraka to nabi napau Puang Allataala la ratu?” Mebali omi nakua, “Tangngiana'.”

Yahya 1:25

Nakua lako Nabi Yahya kumua, “Ciapari pale' tajio' tau, ke tangngiaki' Raja Mangpasalama', tangngia tooki' Nabi Elia ba'tu nabi to napau Puang Allataala la ratu?”

Yahya 4:19

Nakua joo baine ngkuanni, “Ee Puang, kukanassamo tee too, kumua nabiki'.

Yahya 6:14

Ia tonna kitami tobuda joo tanda mejangngaran napaden Puang Isa, nakuamo, “Ia tonganmo tee to nabi napau Puang Allataala tonna anu' la ratu tama lino.”

Yahya 9:17

Mekutana pole' omi to to-Farisi lako joo to mangka buta nakua, “Na ia ke iko, apa la musanganni joo tau, nasaba' mangkamoko napapakita?” Mebalii nakua, “Oo, nabi Ia.”

Jamanna Rasulu' 5:5

Ia tonna mangka ssa'dingngi joo kada, ta'pa tipessambakmi Ananias namate. Padami to tossa'dingngi joo, memmalaja' ngasan.

Jamanna Rasulu' 7:37

Ia toomo mpauanni to bangsa Israel kumua, ‘La napadenan kamu' Puang Allataala mesa' nabi susi tee aku', napilei lan mai rapummi.’

Galatia 1:24

Mpakala'bihmi Puang Allataala, nasaba' ia to apa jaji lako aku'.