Lukas 7:13 - Alkitab Duri

¹³ Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 7:13 Iomraidhean Croise

Markus 8:2

“Masse penawang-Ku' ngkitai tee mai tobuda, sanga tallung allomiki' sola na cappu'mi to kinallona.

Lukas 10:1

Mangkai joo too napilei omi Puang Isa to pitung pulo tau laen to nturu'i, nasuai male sidua-dua njoloanni lako sininna kota sola kampong to la napangngujui.

Lukas 11:1

Den pissen namale Puang Isa massambajang. Ia tonna mangkamo, ratumi mesa' to anak gurun-Na mangkada nakua, “Oo Puang, ajahhikan massambajang susi Nabi Yahya nnajahhi anak gurunna.”

Lukas 11:39

Iamo joo namangkada Puang Isa nakua, “Ee kamu' to-Farisi! Ia ammibasei isotan ba'tu kandean, saleanna manda mibasei, apa lanna liu carepa unapa. Susimi joo, ia to ada' wa'ding nakita tau mituru' tongan, apa lan penawammi buda kagajatan sola kamadoangan rrampa apanna tau.

Lukas 12:42

Mebalimi Puang Isa nakua, “Iamo kupapatui to kaunan melo to wa'ding dikatappa'i. Iamo la naben kuasa puangna ngkapalai kaunan laenna, napakandei ke wattunnami kakumandean.

Lukas 13:15

Mebalimi Puang Isa nakua, “Ee, tomajekkong! Ianna Allo Katorroan lla'paran ngasan kamu' sapinmi ba'tu keledaimmi, mimale mbawai mipaiso'.

Lukas 17:5

Nakuamo tuu lako rasulu' lako Puang Isa, “Pamawatangngi to kamatapparanki'!”

Lukas 17:6

Mebalimi Puang Isa nakua, “Ia ke denni kamatapparanmi moi pada bangra lise' sawi, wa'ding kamu' kumua lako tee garonto' kaju tonggo, ‘Tiangka'ko mutitanan lan tasik’, nang la naturu'i to kadammi.”

Lukas 18:6

Nakuamo Puang Isa, “Ingaran meloi to apa napau joo pangbicara tangmaruruh.

Lukas 19:8

Apa ke'dehhi Zakheus, nakua lako Puang Isa, “Oo Puang, sangsesena to ewananku' la kuben tokaasi-asi, na ia ke denni apanna tau kurampa, la kupapolean manglokkon penna'pa'.”

Lukas 22:61

Messailemi Puang Isa nakitai to Petrus. Naingaranmi Petrus to apa mangka nakuanni Puang Isa, “Te'dapa nakekkua to manuk tee bongi, mupentallunmo mpessakkannina'.”

Lukas 24:3

na ia tonna mentamamo, te'da naampa'i to batang rabukku-Na Puang Isa lan.

Lukas 24:34

Nakuamo joo anak gurun-Na mangkada, “Nang tongan kumua, tuo pole'mi to Puang! Mangkamo mpangpekitan kalena lako Simon!”

Lukas 7:12

Ia tonna mandoppi'mo lako babangan kota, denmi tau mbulle tomate messun lan mai kota. Ia joo tomate, mesa' pea muane, anak tungga'na mesa' baine to matemo muanena. Buda pangtondokan ssolanni to indona joo pea.

Lukas 7:14

Nakandoppi'mi Puang Isa joo bullean nakaka'i. Kenden ngasanmi to tomamulle. Mangkadami nakua, “Ee, mane, mi'cikko!”

Lukas 7:19

anna suai male ngkutanai Puang Isa kumua, “Kita'moraka Raja Mangpasalama' to kitajan, ba'tu la ntajanpakan tau laen?”

Lukas 8:52

Sikarrakan to tau mbatingngii. Apa nakua Puang Isa ngkuanni, “Danggi' mikumarrak! Te'da ia namate, apa mamma'ri!”

Yahya 11:3

Ia joo sile'tona dua baine ngkiringanni kareba Puang Isa nakua, “Oo Puang, ia to totapakamoja', masakii.”

Yahya 20:13

Mekutanai joo malaeka' nakua, “Oo indo', ciapari mikumillak?” Mebalii Maryam Magdalena nakua, “Mangkai naala tau to Puangku', na te'da kuissenni umbo napanii.”

Yahya 20:15

Mekutanai Puang Isa ngkutanaii, “Ee baine, ciapari mukumillak? Indara muangah?” Nasangai Maryam to pangbara'bah, iamo joo nakuanni, “Oo ambe', ia ke kita' mpalelei, tulungna' tapauanna' umbo tapanii, kumale nnalai.”

Yahya 4:1

Nasa'dingmi to-Farisi kumua la'bih buda tau najio' Puang Isa naturu'i, na ia tonturu' Nabi Yahya.

Yahya 6:23

Apa ia joo wattu denmi ba'tu pira-pira lopi ratu jio mai kota Tiberias nakenden sikandoppi' to nanii mangka ngkurru sumanga' roti Puang Isa nakande tobuda.

1 Korintus 7:30

Ia to tokumillak la butung tote'da namasse penawanna. Ia to tometawa la butung to te'da namario. Ia to tomangka nnalli buda apa la butung tote'da apa naampui.

1 Tesalonika 4:13

Ee, tomala'bihku'! Parallu miissen kumua apa to la jaji lako padanta' tomatappa' to jolomo lako, dikua nate'da namasse penawammi susi totangmatappa', to te'da namangrannuan lako Puang Allataala.

Ibrani 2:17

Jaji, mentolinomo to Puang Isa namenjaji susi tolino, anna wa'ding menjaji Imang Lompo mangpakamoja', to njama tarruh jaman-Na Puang Allataala. Na ia ke susii joo, wa'dingngi mpasikalino Puang Allataala na tolino na ndampangan too tolino.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.