Lukas 7:12 - Alkitab Duri

¹² Ia tonna mandoppi'mo lako babangan kota, denmi tau mbulle tomate messun lan mai kota. Ia joo tomate, mesa' pea muane, anak tungga'na mesa' baine to matemo muanena. Buda pangtondokan ssolanni to indona joo pea.

Lukas 7:12 Iomraidhean Croise

Lukas 7:11

Tangmasai mangkanna joo, malemi Puang Isa sola anak gurun-Na lako kota Nain, na buda too tau undi nturu'i.

Lukas 7:13

Ia tonna kitami Puang Isa joo baine, massemi penawan-Na nakuanni, “Ee indo', danggi' takumarrak!”

Lukas 8:42

nasaba' la mate mandamo to mesa-mesanna anakkana baine umuru' sangpulo duamo taunna. Malemi Puang Isa lako bolana Yairus na gaja buda tau nturu'i ssisi'pin-si'pinnii.

Lukas 8:52

Sikarrakan to tau mbatingngii. Apa nakua Puang Isa ngkuanni, “Danggi' mikumarrak! Te'da ia namate, apa mamma'ri!”

Yahya 11:19

Buda to-Yahudi ratu la mpakatana Marta sola Maryam, sanga ia joo kamateanna sile'tona.

Jamanna Rasulu' 9:39

Ta'pa malemi Petrus sola. Ratunna lako, disolanni de' loteng. Ia to baine jio, to te'damo muanena, kumarrak ngasan, na ntalimbung Petrus napakitanni to baju pura najaisanni Tabita tonna tuopa.

Jamanna Rasulu' 9:41

Natoei Petrus to limanna napake'dehhi. Mangkai joo too natambaii to tote'damo muanena sola tomatappa' laen, nasuai ratu ngkitai to Tabita tuo pole'mo.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.