Lukas 6:49 - Alkitab Duri

⁴⁹ Apa ia to tossa'ding kadang-Ku', na te'da napugaukki, iamo dipasusi to tau mpake'deh bola, te'da napajaoi pondasi batu. Wattunna saba' to wai ratu ntumpai, ta'pa ro'pokmi!”

Lukas 6:49 Iomraidhean Croise

Kada Bulawan 28:18

La dipasalama' to tote'da caccana llan katuoanna, apa den wattu dau nata'pa masolang to tomajekkong.

Matius 23:3

Iamo joo turu' ngasanni to pangngajaranna. Apa danggi' mituru'i to panggaukanna, nasaba' ia to napangpangngajaran te'da ia napugaukki.

Matius 24:10

Ia joo wattu buda tau la balik mentangmatappa', na la mpangpejokkoan solana na sikaba'ci too.

Markus 4:17

Apa te'da natorro tongan lan penawanna na cingga'tu'ra natangnningaranmi. Ianna ratuimi kamasussan ba'tu dipakario-rioi, sanga ia joo kadan-Na Puang Allataala, ta'pa balik pole'mi.

Lukas 12:47

Ia to kaunan naissen apa to nakabudai puangna, apa te'da namajaga sola te'da napugaukki, iamo na la dipemoncongngi.

Lukas 19:14

Apa nakaba'cii sangtondokkona joo puang. Jaji, ia tonna malemo, disuami to tau undi rrundunni anna kuanni to tolannangka'i kumua, ‘Te'da kami' kimadoang naparenta joo tau.’

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Lukas 6:46

Mangngajahhimi Puang Isa nakua, “Ciapari mipekapuangngina', apa te'da mipugaukki to apa kupauan kamu'?

Lukas 6:48

Ia joo tau dipasusi to tolangkabua' bola, napemandalanni ngkali padang, anna kabua' pondasi jao batu. Wattunna saba' to wai sa'dan ratu ntumpai joo bola, te'da natigesu' jio ngenanna, nasaba' dipake'dehhi jao pondasi batu.

Lukas 7:1

Ia tonna mangkamo Puang Isa mpau ngasanni joo lako tobuda, malemi tama kota Kapernaum.

Yahya 15:2

Ia to tangke-Ku' to te'da namembua, nasembangngi Ambe'. Na ia to den buanna naalai pira' to daunna, nabajaii anna la'bih buda buanna.

Jamanna Rasulu' 20:29

Kuissen kumua ia angkumalemo, la ratu to tau massipa' susi asu lampung mentama tangnga-tangngami, na te'da nalancirinnaii to tau pura diben kamu'.

Jamanna Rasulu' 26:11

Pembudana' ssessai lan bola passambajangan, kuparukui napessakkanni pole'i to Puang Isa. Tanda kamapallanku' lako, angkumale ntiroi moi jio kota laen.”

1 Tesalonika 3:5

Iamo kusuai to Timotius male mati' sanga gaja doangmo' nnissenni kumua matappa' tarruh unara kamu'ka lako Almaseh. Batana', iamo ke nataloimo kamu' Ballisi' na sininna to jamanki' menjaji te'da bua'na.

2 Petrus 2:20

Macilaka tuu lako tau! Naissenmo jolona to Puangta' Puang Isa Almaseh, Tomangpasalama'ta', anna la'pahmo jio mai kuasa kamadoangan to ncarepai tolino. Apa mangkai joo nakuasai pole'mi joo kamadoangan anna turu'i. Katampakanna la'bih macilaka tuu lako tau na ia tonna te'dapa naissen Puang Isa.

1 Yahya 2:19

Ia to tonnewa Almaseh solata' jolona, apa sitonganna tangngia solata'. Ia ke solata'i, tantu torro unapi ssolanki'. Apa messarakki jio mai kita', anna manassa kumua moi mesa' jio mai tuu lako tau tangngia solata'.