Lukas 6:25 - Alkitab Duri

²⁵ Macilaka kamu' to barahmo tee too, nasaba' la tangbarah kamu'. Macilaka kamu' to metawamo tee too, nasaba' la masse penawammi mikumarrak.

Lukas 6:25 Iomraidhean Croise

Kada Bulawan 14:13

Mbai tamukkun metawa, apa masse penawanta', na marioki', apa wa'ding undinna kamasussan.

Kada Bulawan 30:9

Iamo ke sugihna', kupesakkanni-Ki' kumangkada kumua, ‘Indara to Puang Allataala?’ ba'tu ia ke kaasi-asina', mbai kumale boko, nanco'lai sangan-Ta'.”

Amos 8:10

Ia to pangramean kamasannanganmi la Kupupenjaji kamasussan kamatean na ia to kelongmi la menjaji bating. La Kusessa ngasan kamu' mimanggalettung mimangpakean karung tandana kumua masussa kamu'. La susi kamu' to mbatingngi kamateanna anak mesa, arannai ia joo wattu menjaji allo kamasussan to liwa' memassean.”

Lukas 12:20

Apa nakua Puang Allataala mangkada lako joo tosugih, ‘Ee, tobango'! Ia bang unamo tee bongi naladika'tu to sunga'mu. Na indamora la mpuapai to ewanan murempun?’

Lukas 13:28

Ia ke mikitami Nabi Ibrahim, Ishak na Yakub sola sininna nabi laen mangmaroah-roah lan Lino Barun-Na Puang Allataala, la kumarrak kamu', misunggarigi', nasaba' diula'i kamu'!

Lukas 6:24

Apa macilaka kamu' to sugih, nasaba' mangkamo miampa' to kamasannangan lan kasugiranmi.

Lukas 6:26

Macilaka kamu', ke napakala'bih kamu' tau, nasaba' susi toomo napugauk tojolona tuu lako tau mpakala'bih nabi tangtongan tonna anu'.”

Lukas 8:53

Napetawa-tawaimi tau to Puang Isa, nasaba' naissen kumua matemi ia.

Efesus 5:4

Tangsipato' too kamu' mangkada carepa, mangkada tangkebattuan sola nnamboh bang kada. Apa la mangkurru sumanga'ra kamu' lako Puang Allataala.

1 Tesalonika 5:3

Den wattu nalamangkada to tau kumua, “Masannangmiki', te'damo tamalaja'”. Na iamora joo wattu nata'pa mperasai to pangsessa, na te'da nakullei palai. Ia joo pangsessa te'da nadikalannai, susi wattunna mesa' baine mangnguriwa' la keanak.

Yakub 4:9

La ssassan kamu' kalemi, mikumarrak sola mbating. La membali karrak to petawammi na membali kamasussan to kamasannanganmi.

Pengkitanna Yahya 3:17

Mangkada kamu' kumua, ‘Sugihna', te'damo apa tangkuampui.’ Apa te'da miissenni kumua kamu'mo tau masussanna, memassean penawa, makario-rio, buta, na mimangkale-kale.