Lukas 5:26 - Alkitab Duri

²⁶ Jangngah ngasan tuu lako tau anna mpakala'bih Puang Allataala. Silajatan ngasanni nakua, “Liwa' mejangngaran to apa takita tee allo!”

Lukas 5:26 Iomraidhean Croise

Matius 12:23

Jangngah ngasanmi to tobuda nakua, “Ba'tu bati'nara Raja Daud tee tau to mangka dipau tonna anu'?”

Matius 28:8

Ta'pa malemi tuu lako baine ssalai joo liang. Moi namalaja', apa gaja parannui male kinjara' la mpauanni anak gurun-Na Puang Isa joo apa mangka jaji.

Matius 9:8

Ia tonna kitami tobuda joo apa jaji, silajatan ngasanni, anna mpakala'bih Puang Allataala to mpangben kuasa liwa' tonggo lako tolino.

Markus 2:12

Ta'pa ke'dehmi, naangka'i to ampahna, namessun, nakitai tobuda. Jangngah ngasanmi to tau ngkitai, anna mpakala'bih Puang Allataala nakua, “Te'da lalopa naden takitai to apa jaji susi tee.”

Lukas 1:65

Malaja' ngasanmi to bali bolana, na ia ngasan tau ncuritai joo kareba jio sininna membuntunna tana Yudea.

Lukas 5:8

Ia tonna kitami Simon Petrus joo apa jaji, mengguntu'mi jio olo-Na Puang Isa ssuju'i anna mangkada nakua, “Oo Puang, melo ke tasalaimo', nasaba' tomadosana' dikka' tee!”

Lukas 7:16

Malaja' ngasanmi tuu lako tau na mpakala'bih Puang Allataala nakua, “Denmo mesa' nabi tonggo lan tangnga-tangngata'. Ratumi Puang Allataala mpasalama' umma'-Na!”

Lukas 8:37

Napeta'dami to-Gerasa lako Puang Isa kumua nasalaii joo tondok, nasaba' gaja laja'i. Endekmi de' lopi to Puang Isa nalamban pole' lian.

Jamanna Rasulu' 4:21

Apa te'da lalan la nanii to pangbicara la ncallai to Petrus sola Yahya, nasaba' sininna tau mpakala'bih Puang Allataala sanga ia joo kajajian mejangngaran. Iamo joo naanggai bangri, namane' lla'paranni.

Galatia 1:24

Mpakala'bihmi Puang Allataala, nasaba' ia to apa jaji lako aku'.