Lukas 5:21 - Alkitab Duri

²¹ Pada mangkada lanni penawanna joo guru agama sola to-Farisi nakua, “Indara ia tee tau? Gaja barani Ia mpapada Puang Allataala kale-Na! Te'da tau wa'ding ndampangan tomadosa, saliwanna Puang Allataala.”

Lukas 5:21 Iomraidhean Croise

Daniel 9:19

Oo Puang Allataala to kusompa, pesa'dingngii tee peta'danku', parinawamokan, Taaddampangankan. Ia ke wa'dingngi Tapupenjajimi silalona to peta'danku', dikua na Kita' to dipakala'bih, sanga ia to kota Yerusalem kota-Ta', na ia to kami' umma'-Ta' to Tapileimo.”

Daniel 9:9

Apa Kita'mo Puang Allataala to kisompa, to nnaddampangankan sola ngkamaseikan, moi na kinnewa parenta-Ta'.

Matius 26:65

Gaja gallii joo Imang Lompo anna ca'ce-ca'cei to pakeanna namangkada nakua, “Toncapa' Ia Puang Allataala! Te'damo nadiparallui to sa'bi. Misa'ding kalenamo kumua ncapa' Ia Puang Allataala.

Matius 9:3

Denmi ba'tu pira-pira guru agama ssa'dingngi, namangkada lan penawanna nakua, “Ia tee tau ncapa' Puang Allataala, sanga mpapada Ia Puang Allataala kalena.”

Lukas 3:8

Iamo joo la mipangpekitan to panggaukan melomi mpamanassai kumua mengkatoba'mo kamu' jio mai dosami! Danggi' misangai, kumua te'damo miladicalla nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Lukas 5:17

Den pissen, tonna mangngajahhi Puang Isa, naden toda ba'tu pira-pira to-Farisi sola guru agama cumadokko jio. Denni to ratu jio mai kampong lili'na tana Galilea na tana Yudea na den too to ratu jio mai kota Yerusalem. Kuasan-Na Puang Allataala napake to Puang Isa, anna mpamalagah tomasaki.

Lukas 5:22

Apa naissen Puang Isa apa to lan penawanna tuu lako guru agama sola to-Farisi. Iamo joo nakuanni, “Apara to mipikkiri'?

Lukas 7:49

Ia tuu lako tonasolan Puang Isa kumande sipangkada-kadai nakua, “Indara ia tee tau nawa'ding ndampangan tomadosa?”

Yahya 10:33

Mebalii to to-Yahudi nakua, “Te'da na ia to panggaukan melota' angkilalekko'ki', apa iara to ncapa'ki' Puang Allataala. Mesa'ki' tolino, tapapadai Puang Allataala to kale-Ta'.”

Roma 8:33

Te'da ia tau ngkullei la mparapa'ki' to tonapileimo Puang Allataala, sanga Puang Allataala ngkuanki' kumua tote'da salata'.