Lukas 5:15 - Alkitab Duri

¹⁵ Apa moi nasusi joo, ia to karebanna Puang Isa satitaleh-talehnamo, na gaja buda tau ratu mpesa'dingngi ke mangngajahhii. Natuli ratu too to tomasaki meta'da lako Puang Isa anna dipamalagah.

Lukas 5:15 Iomraidhean Croise

Kada Bulawan 15:33

Ngkalaja' ngkasiri' Puang Allataala, iamo garonto'na pangpangngajah to mepamacca. na ia ke madoangki' diangga' mpamajiongki' penawanta'.

Matius 9:26

Ia joo kajajian ta'pa naissen sininna tau lan joo kampong na mengguririkkina.

Matius 9:31

Apa ia tonna messunmo lan mai bola sola dua, malemi ncuritai lako tau lan joo kampong na mengguririkkina.

Markus 1:28

Namadoi' bang joo karebanna Puang Isa kaissenan lan tana Galilea.

Markus 1:45

Apa ia tee tau male bangmi nacurita to apa jaji lako kalena. Napusaba'i namembuni bangmira Puang Isa ke mentamai kota, natorro bangmo saleanan kota jio pallawangan. Apa moi nasusi joo, saratu-ratunna bang to tau jio mai buda kampong lako to nanii Puang Isa.

Markus 3:7

Malemi Puang Isa sola anak gurun-Na mpemboko'ii, namale lako Tasik Galilea. Apa liwa' buda to-Galilea undi nturu'i. Buda toda to ratu jao mai tana Yudea,

Lukas 12:1

Ia joo wattu sirempunmi massa'bu-sa'bu to tau madoang ngkita Puang Isa. Nasisi'pin-si'pin ntalimbungngi to Puang Isa anna den to disilesei ajena. Napamulami Puang Isa nnajahhi anak gurun-Na nakua, “Majaga kamu' jio mai raginna to-Farisi. Ia to kusanga iamo to kamajekkonganna.

Lukas 14:25

Buda tau undi nturu' Puang Isa lan kalingkan-Na. Messailemi Puang Isa ngkuanni tuu lako tau,

Yahya 6:2

Gaja buda tau mpeundii, sanga nakitamo to tanda mejangngaran napaden ke mpamalagahhi tomasaki.

1 Timotius 5:25

Susi toomi to panggaukan melo, den to ta'pa pajan bang dikita, na ia to membuninna, te'da nalamembuni tarruh.