Lukas 5:14 - Alkitab Duri

¹⁴ Napangnganggai Puang Isa ncuritai joo kajajian lako tau laen, nakuanni, “Maleko lako imang jao kota Yerusalem, mupeta'dai napattantui kumua malagah tonganmoko. Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Lukas 5:14 Iomraidhean Croise

Matius 10:18

La dipangngolo kamu' lako tomangparenta sola raja, nasaba' mituru'na'. Iamo joo wattu la minii mpangpeissenanni to Kareba Kasalamatan lako tuu lako tau, sola totangnnissenpa Puang Allataala.

Matius 12:16

Apa naanggaii Puang Isa tuu lako tau nakua, “Danggi' mimale mpangpeissenanna'.”

Matius 8:4

Nakuamo Puang Isa, “Danggi' lalo mucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko! Mumane' mpugauk tooi to karoba kamalagaranmu situru' atoranna Nabi Musa, namenjaji butti lako sininna tau.”

Matius 9:30

Pakitami sola dua. Napakainga'mi Puang Isa kumua, “Danggi' lalo naden tau mipauan joo apa jaji.”

Markus 1:44

“Danggi' lalo ammucuritai moi lako mesa' tau, apa maleko lako imang jao kota Yerusalem, mupeta'dai napattantui kumua malagah tonganmoko. Mumane' mpugauk tooi to karoba kamalagaranmu situru' atoranna Nabi Musa, namenjaji butti lako buda tau.”

Markus 6:11

Apa ia ammiratu lako mesa' kampong, nate'da natarima kamu' tau jio, iarika tangnapesa'dingngi kamu', salaii joo kampong. Mipentambakanni to carepa jio ajemi la mpangngingaranni tuu lako tau to kasalanna!”

Lukas 17:14

Nakitami Puang Isa namangkada nakua, “Malemo kamu' mpangpekitan kalemi lako imang jao kota Yerusalem.” Ia tonna malemo, ta'pa malagahmi.

Lukas 5:13

Nne'te'mi liman-Na Puang Isa, nakaka'i nakua, “Melohna', malagahmoko!” Ia joo wattu ta'pa melomi to kalena.

Lukas 9:5

Apa ia ammiratu lako mesa' kota, na te'da miditarima, salai joo kota, mipentambakanni to carepa jio ajemi, la mpangngingaranni tuu lako tau to kasalanna!”