Lukas 4:35 - Alkitab Duri

³⁵ Nagarra'i Puang Isa joo setang nakua, “Kamma'ko, messunko lan mai tee tau!” Napessambakanni setang joo tau jio olona tobuda, namane' messun, apa te'da napa'dikkii.

Lukas 4:35 Iomraidhean Croise

Matius 17:18

Nagarra'i Puang Isa joo setang namessun lan mai joo pea. Messunmi, nata'pa malagah silalona joo pea.

Matius 8:26

Mebalimi nakua, “Ammimalaja'ra na te'da mikatappa'ina'!” Ke'dehmi nagarra'i to kalimpuru sola bombang, narapa' to tasik.

Markus 1:26

Ta'pa napambe'behhi setang joo tau, namane' messun lan mai ntuu joo tau metamba-tamba.

Markus 4:39

Mi'cokmi to Puang Isa, nagarra'i to kalimpuru, nakua lako tasik, “Radanko, rapa'ko!” Radanmi to kalimpuru narapa' to tasik.

Markus 9:26

Melallakmi joo setang, namane' mpandasai joo pea namangkaluttete'. Mangkai joo too, messunmi lan mai joo pea. Ia joo pea susi bangmo tomate. Buda tau ssangai kumua matemi.

Lukas 11:22

Apa ia ke denni to la'bih mawatang ratu rrarii, nataloi, manassa kumua la naalai ngasanni joo parewa kapararian narannuan, narampai to ewananna natawa-tawai.

Lukas 4:23

Mangkadami Puang Isa nakua, “Tantu den kamu' la mikua lako Aku' mpake sambenan kada susi tee, ‘Ee, tomangjampi! Pamalagahhi kalemu.’ Battuananna: ia ke tonganko nabi, la mupugauk tooi ntee kampongmu to tanda mejangngaran kisa'ding mupugauk jio kota Kapernaum.”

Lukas 4:39

Malemi lako sa'dena, nagarra'i joo kula' kale nakua, “Messunko.” Ta'demi to kula'na, nata'pa mi'cok mpasadianni kande to toratu.

Lukas 4:41

Nnula'i tooi setang lan mai buda tau. Ia tuu lako setang messun lan mai tau ntandai Puang Isa anna metamba nakua, “Anak Allataalako!” Apa nagarra'i Puang Isa joo setang, na te'da naeloranni mangkada, nasaba' naissen setang kumua Raja Mangpasalama' to Puang Isa.

Lukas 8:24

Malemi to anak gurun-Na ntundanni nakua, “Oo, Guru, la tallanmiki'!” Mi'cokmi to Puang Isa nagarra'i to kalimpuru sola bombang. Radanmi to kalimpuru narapa' to tasik.

Lukas 9:39

Ia ke natamai omi joo setang, metamba-tamba tongan natisintak-sintak to kalena sanggenna mangkambura-bura to kasolena. Te'da namessun joo setang ke te'dapi nasessa tonganni dikka'!

Lukas 9:42

Ia tonna mandoppi'mo joo pea lako Puang Isa, napessambakanmi setang natisintak-sintak to kalena. Apa nagarra'i Puang Isa joo setang, naula'i lan mai joo pea. Napamalagahmi Puang Isa joo pea, namane' solanni lako ambe'na.

Pengkitanna Yahya 12:12

Iamo joo tamangmaroah-roahmo antaparannu-rannu to kita' mari'pihmo inde' suruga. Apa maparri'mo kamu' totorro lan lino, nasaba' mellaomi mati' to Ballisi', liwa' birih, sanga naissenni kumua ci'di'mora to wattunna.”