Lukas 4:34 - Alkitab Duri

³⁴ “Oo, Puang Isa, to-Nazaret, la mupatumbamorakan? Raturokoka la ssabu'ikan? Kuissen kumua indaroko. Ikomo pesua mattantun-Na Puang Allataala!”

Lukas 4:34 Iomraidhean Croise

Daniel 9:24

Napattantumo Puang Allataala pitungpulo manglokkon pitung taun la nanii mpasalama' bangsamu sola kota mala'bih kota Yerusalem na anggei dosa na nta'dei kasalan. Sininna dosa la diaddampangan na dipugauk tarruh to katonganan te'da anggena. La jaji tongan to pengkita sola apa to mangka napau jolo nabi tonna anu' na ia to Bola Puang Allataala la dicerak pole'.

Matius 8:29

Metamba-tambami nakua, “Anak Allataala! La tapatumbamorakan tee? La ratumiriki'ka la ncallakan, na te'dapa nawattunna?”

Markus 1:24

“Oo, Puang Isa, to-Nazaret, la mupatumbamorakan? Raturokoka la ssabu'ikan? Kuissen kumua indaroko. Ikomo pesua mattantun-Na Puang Allataala!”

Markus 1:34

anna buda tau napamalagah to mangrupa-rupa sakinna. Nnula'i tooi buda setang. Te'da naeloranni to setang mangkada, nasaba' naissen setang kumua indara to Puang Isa.

Markus 5:7

Nasuai Puang Isa joo setang, nakua, “Ee, setang, messunko lan mai tee tau!” Metambai joo setang nakua, “Oo, Puang Isa, Anak Allataala to kaminang makuasa! La tapatumbamora' tee? Nakitana' Puang Allataala, meta'dana' danggi' dikka' tacallana'!”

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Lukas 4:33

Den tau ntuu jio bola passambajangan natamai setang, anna metamba-tamba nakua,

Lukas 4:41

Nnula'i tooi setang lan mai buda tau. Ia tuu lako setang messun lan mai tau ntandai Puang Isa anna metamba nakua, “Anak Allataalako!” Apa nagarra'i Puang Isa joo setang, na te'da naeloranni mangkada, nasaba' naissen setang kumua Raja Mangpasalama' to Puang Isa.

Lukas 8:37

Napeta'dami to-Gerasa lako Puang Isa kumua nasalaii joo tondok, nasaba' gaja laja'i. Endekmi de' lopi to Puang Isa nalamban pole' lian.

Jamanna Rasulu' 16:39

Anna male lako Paulus sola Silas meta'da dampang, namane' ssolanni sola dua lan mai pangtarungkuan, napeta'da tulungngi namessun lan mai kota.

Jamanna Rasulu' 2:27

Nasaba' te'da taeloranna' torro lan lino tomate, na te'da too taeloran batang kaleku' la buruk lan lamunan, sanga Aku'mo kaunan-Ta' to mangka tapilei.

Jamanna Rasulu' 3:14

Moi na pesua mattantun-Na Puang Allataala to te'da nakasalan, apa cia' kamu' ntarimai ammipeta'dai lako Pilatus la la'paranni joo to mbuno tau.

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.

Ibrani 2:14

Ia tuu lako to nasanga anak, tolino ia. Iamo namentolino Puang Isa, anna menjaji susi tuu lako anak. Napugaukki susi joo, dikua anna ia to kamatean-Na wa'dingngi ntaloi Ballisi' to ngkuasai kamatean.

Yakub 2:19

Mukatappa'i kumua mesa'ra to Puang Allataala. Tongan tuu! Na moi sininna setang napangngakui too joo. Iamo mbe'beran malaja'.

1 Yahya 3:8

Ia to tompugauk tarruh dosa, napuanak Ballisi', nasaba' ia to Ballisi' iamo garonto'na dosa mammula jiona mai. Iami joo naratumo to Anak Allataala la ssabu'ii to jamanna joo Ballisi'.

Pengkitanna Yahya 20:2

Najokkoi joo naga, iamo to ulah tua disanga Ballisi' ba'tu puanggawana setang napumpungngi sangsa'bu taunna.

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.