Lukas 4:2 - Alkitab Duri

² Torromi jio patang pulo bonginna, napengkulle-kullei Ballisi' ssedei. Te'da bang nakumande to Puang Isa, arannai tangbarah.

Lukas 4:2 Iomraidhean Croise

Ester 4:16

“Pasirempunni to sininna to-Yahudi inde' kota Susan anna passambajanganna'. Napuasa, tallung allo tallung bongi. Moi aku' sola to ana'dara mparakaina' la puasa too. Mangkai joo too la mangngolomo' lako raja, moi nate'da nasituru' atoran karajaan. Ia ke nang la kupumatei, ake'mo kumate!”

Yunus 3:7

Napangparentanmi raja lako wakkele'na napangpeissenanni tee parenta lan lili'na kota Niniwe kumua, “Sininna tau te'da nawa'ding kumande ba'tu mangngiso'. Na ia to patuoan susinna sapin sola bembala' na patuoan laenna te'da nawa'ding dipakande iarika dipaiso'.

Matius 21:18

Masawanna melambi' tonna polemo Puang Isa sola anak gurun-Na de' kota Yerusalem, tangbarahmi to Puang Isa.

Matius 4:2

Ia tonna mangkamo Puang Isa puasa patang pulo allona patang pulo bonginna, tangbarahmi.

Lukas 4:3

Napengkulle-kullei Ballisi' ssedei mpugauk dosa nakua, “Suai tee batu menjaji kande, sanga Anak Allataalako.”

Ibrani 2:18

Na Ia una nadenmo namaparri', nadipengkulle-kullei ssedei mpugauk dosa. Iamo joo nakullei ntulungngi to todipengkulle-kullei toda disede danggi' na mpugauk dosa.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.