Lukas 4:18 - Alkitab Duri

¹⁸ “Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Lukas 4:18 Iomraidhean Croise

Daniel 9:24

Napattantumo Puang Allataala pitungpulo manglokkon pitung taun la nanii mpasalama' bangsamu sola kota mala'bih kota Yerusalem na anggei dosa na nta'dei kasalan. Sininna dosa la diaddampangan na dipugauk tarruh to katonganan te'da anggena. La jaji tongan to pengkita sola apa to mangka napau jolo nabi tonna anu' na ia to Bola Puang Allataala la dicerak pole'.

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 12:18

“Iamo tee to pesuro-Ku' kupilei. Iamo tee kupakamoja', to mpamasannangna'. La kuben kapakullean pole jio mai Roh-Ku' Napangpeissenanni to parenta-Ku' lako sininna bangsa.

Matius 12:20

Te'da namaparrang lako tomalamma penawa, malaboh lako totangpakulle. Katampakanna nnendekan kamarurusan-Ku',

Matius 4:16

Ia to tote'dapa naissen Puang Allataala, susimo to totuo lan kamalillinan, na ngkitamo arrang-Na Puang Allataala. Ia to tau susimo to totorro lan lino tomate, napubua' dosana, naarrangngimi arrang kasalamatan-Na Puang Allataala.”

Matius 5:3

“Masannang to tau nnissenan kalena kumua tangpakulle na lako manda Puang Allataala nanii sande', nasaba' ia to tau susi joo umma'-Na Puang Allataala.

Lukas 4:17

nadiben sura'na Nabi Yesaya. Naballahhi, naampa'i tee aya' nabacai kumua,

Lukas 6:20

Nakitami Puang Isa to tomenturu' lako kale-Na namangkada nakua, “Masannang kamu' tokaasi-asi, nasaba' kamu'mo umma'-Na Puang Allataala.

Lukas 7:22

Iamo joo napebalii nakua, “Polemo kamu' mipauanni gurummi apa to mikita sola misa'ding: pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuo pole'mo to tomate, na Kareba Kasalamatan dipangpeissenanmo lako tomakario-rio.

Yahya 1:41

Ia joo Andreas ta'pa male ntiroi Simon sile'tona napauanni kumua, “Siampa'mokan Almaseh, battuananna Raja Mangpasalama'.”

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Jamanna Rasulu' 4:26

Sininna raja lan lino mangngatta la parari, na sininna kapala sirempun nnewa Puang Allataala sola Raja Mangpasalama' to napilei.’ ”

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.

Kolose 1:13

Ia toomo mangka lla'paranki' jio mai kuasanna Ballisi' napupenjajimiki' taun-Na lan kaparentan-Na Anak to nakamasei.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.