Lukas 4:1 - Alkitab Duri

¹ Ia tonna polemo Puang Isa jio mai Sa'dan Yordan nakuasaimi Roh Allataala, namale lako tangnga padang pallawangan, situru' pangpatujun-Na Roh Allataala.

Lukas 4:1 Iomraidhean Croise

Matius 3:16

Ia tonna mangkamo dijio', endekmi de' randan sa'dan, nata'pa titimbak to langi', nakitai Puang Isa to Roh Allataala mellao jao mai susi jangan-jangan nta'paii.

Lukas 2:27

Ia tonna bawai Yusuf sola Maryam to Puang Isa lako Bola Puang Allataala, la mpugaukki to apa napangparentan atoran agama, nasolanni Roh Allataala to Simeon lako.

Lukas 3:3

Jaji, malemi Nabi Yahya llelei tana to mengguririkkina Sa'dan Yordan mpangpeissenanni to Kareba Kasalamatan. Mangngajahhii nakua, “La mengkatoba' kamu' jio mai dosami, midijio', anna dampangan kamu' Puang Allataala.”

Lukas 3:38

Ia to njajian Kenan disanga Enos. Ia to njajian Enos disanga Set. Ia to njajian Set disanga Adam. Na ia to mpaden Adam Puang Allataala.

Lukas 4:14

Mangkai joo too, nakuasaimi Roh Allataala to Puang Isa napole re' tana Galilea. Kaissenanmi to karebanna lan lili'na tana Galilea.

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Yahya 1:32

Napangpeissenan tooi Nabi Yahya nakua, “Ngkitana' Roh Allataala susi jangan-jangan mellao jao mai langi', natorro jao Puang Isa.

Yahya 3:34

nasaba' Puang Isa nasua Puang Allataala mpangpeissenan kadan-Na, napangben pissenmo Puang Allataala to Roh Allataala lako Puang Isa.

Jamanna Rasulu' 1:2

ratu lako kadiangkasanna de' suruga. Ia tonna tuo pole'mo jio mai kamatean, patang pulopa allona nanii pempiran-piran mpangpekitan kalena lako rasulu', na budapa to tanda mpamanassai kumua tuo pole' tonganmi. Ia joo wattu pangpatujun-Na Roh Allataala anna ajahhii to rasulu' mangka napilei. Naajahhi matumbai to akkatta-Na Puang Allataala la mpasalama' na mparenta taun-Na susi Raja.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 8:39

Ia tonna endekmo jiong mai wai, ta'pa ratumi Roh Allataala nnalai to Filipus nabawai, anna ia joo tomapangka' te'damo nakitai. Masannangngi mpatarruh kalingkanna.