Lukas 3:16 - Alkitab Duri

¹⁶ Apa napauanni Nabi Yahya kumua, “Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi la mbukai ulang sapatun-Na, te'da too kusipato'.

Lukas 3:16 Iomraidhean Croise

Kada Bulawan 1:23

Pesa'dingngi pole'i to pangpangngingaranku' lako kamu'! La kupauan ngasan kamu' to llanna penawangku', na la kuajahhi kamu' to kapaissenanku'.

Matius 3:11

Kujio' kamu' wai, nasaba' mengkatoba'mo kamu' jio mai dosami. Apa den tau la ratu ke mangkana' la njio' kamu' Roh Allataala na den too kamu' dijio' api pangcalla. La'bih makuasa Ia na aku'. Moi mbawa sapatun-Na te'da too kusipato'.

Matius 3:12

Ia joo tau wa'ding dipangpasusii mesa' tau to sitoe ta'pian la nta'pii pangtambakkana. Ia to resa' malapuh narempun melo lan pa'pak, apa ia to malangkona la nasumpun lan api to dukku tarruh.”

Yahya 1:26

Mebalimi Nabi Yahya nakua, “Kujio'i wai to tau, apa den lan tangnga-tangngami to te'da miissenni.

Yahya 1:27

Iamo ratu ke mangkana'. Apa moi mbukai ulang sapatun-Na te'da too kusipato'.”

Yahya 1:33

Te'da kuissenni kumua Iamo Raja Mangpasalama', apa Puang Allataala to ssuana' njio' wai tau, mangka mpauanna' nakua, ‘Ia ke ngkitako Roh Allataala mellao jao mai langi', natorro jao mesa' tau, Iamo joo la njio' tau Roh Allataala.’ ”

Yahya 7:38

Ia to tomatappa' lako Aku' la susii to diuki' lan Sura' Allataala kumua, ‘La nanii lolong wai katuoan.’ ”

Jamanna Rasulu' 1:5

Ianna Nabi Yahya mangjio' wai, apa ianna kamu', ba'tu pirang-pirang allomora midijio' Roh Allataala.”

Jamanna Rasulu' 10:44

Ia tonna mangkada unapa Petrus, mellaomi to Roh Allataala ngkuasai sininna to mpesa'dingngii joo kadanna.

Jamanna Rasulu' 2:33

Ia tonna pamatandei Puang Allataala napajioi sa'de kanan-Na, nabenni Roh Allataala to Puang Isa susi to dipau jolo, na Iamo mparatuankan joo Roh, susi tee misa'ding sola mikita too.

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.