Lukas 3:1 - Alkitab Duri

¹ Ia tonna sangpulo limamo taunna Tomaraja Tiberius mangparenta jio kaparentan Roma, na Pontius Pilatus menjaji gubernur jio tana Yudea, Raja Herodes mangparenta jio tana Galilea, Filipus sile'tona Raja Herodes mangparenta jio tana Iturea na tana Trakhonitis, na ia to Lisanias mangparenta jio tana Abilene.

Lukas 3:1 Iomraidhean Croise

Matius 14:1

Ia joo wattu nasa'dingmi Raja Herodes Antipas, to mparenta tana Galilea, to karebanna Puang Isa.

Matius 14:3

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Madoangngi la mpangpebunoanni, apa malaja'i lako tobuda, nasaba' nasanga ia tau nabi to Yahya. Iamo joo napangpejokkoan bangri nadipumpung dipatama pangtarungkuan.

Matius 14:6

Ia tonna mpengngingaranni allo kajajianna Raja Herodes menari'i to anakkana baine Herodias napengkitaii toratu, na liwa' napumasannang Raja Herodes.

Matius 22:17

Iamo joo la mekutanakan kumua, ‘Ianna situru' atoran agamanta', wa'dingriki'ka mbajah sima lako Tomaraja Roma ba'tu te'daraka?’ ”

Matius 27:2

Mangkai joo too, napangpepumpunganmi, namale ssolanni, napangngoloi lako Gubernur Pilatus.

Markus 6:17

Iamo namangkada susi joo Raja Herodes, nasaba' ia to apa pura jaji tonna tee. Ia joo Raja Herodes sibalii Herodias bainena sile'tona to disanga Filipus. Apa napangngingaranni Nabi Yahya kumua, “Pemali ke sibaliki' Herodias to balinna sile'tota'.” Iamo joo namagalli Herodias anna madoang la mpangpebunoanni, apa malaja'i sanga tangnapangben Raja Herodes. Dipangpejokkoan bangri to Nabi Yahya nadipumpung dipatama pangtarungkuan. Nasuai Raja Herodes to tau njagai meloi to Nabi Yahya lan pangtarungkuan, sanga nakalaja'i. Naissen kumua maruruh penawanna Nabi Yahya nturu' pakkaeloran-Na Puang Allataala. Na nakabudai mpesa'dingngii ke mangngajahhii, apa siputtak lan to penawanna ke nasa'ding omi to pangngajahna.

Markus 6:21

Ia tonna mpengngingaranni allo kajajianna Raja Herodes, ia toomo wattu melo lako Herodias nanii la mangpabalahhi. Ia joo Raja Herodes mparenta tana Galilea. Jaji ia joo allo dipaden to pangmaroasan, napangpetamban ngasanni tuu lako to tontoe kuasa, pangbarani, na sininna tomapangka' lan kaparentanna.

Lukas 13:31

Ia joo wattu den ba'tu pira-pira to-Farisi ratu lako Puang Isa nakua, “Melo ke tasalaii tee kampong, nasaba' madoang Raja Herodes la mbunoki'.”

Lukas 2:1

Ia joo wattu napangparentanmi Tomaraja Agustus anna sininna tau lan kaparentan Roma mpangpeukiran sanganna la dibilang.

Lukas 23:24

Nara'tahmi Gubernur Pilatus kumua la dibunoi joo Puang Isa situru' pangkabudaianna tobuda,

Lukas 3:19

Apa nta'tan tooi Raja Herodes to mparenta tana Galilea, nasaba' malei mpubaine Herodias to bainena sile'tona, na budapa to panggaukan gaja' napugauk.

Lukas 9:7

Ia tonna sa'dingngi Raja Herodes Antipas, to mparenta tana Galilea, to apa napugauk Puang Isa, tangrapa' penawanna nnawa-nawai. Nasaba' den to mpaui kumua tuo pole'mi to Nabi Yahya.

Jamanna Rasulu' 23:26

“To-Mala'bihku' Gubernur Feliks! Salama'ku', aku' kita' tee Klaudius Lisias!

Jamanna Rasulu' 24:27

Napallan bangngi pangtarungkuan to Paulus, nasaba' madoangngi Gubernur Feliks nnala penawanna to-Yahudi. Ia tonna duang taunmo, endekmi Perkius Festus menjaji gubernur ssulle Feliks.

Jamanna Rasulu' 26:30

Katampakanna ke'dehmi joo raja na gubernur sola Bernike na sininna tonasolan cumadokko.

Jamanna Rasulu' 4:27

Mpatarruhmi kadanna nakua, “Oo Puang, tongan to kadan-Ta', nasaba' denmo nasirempun Raja Herodes na Gubernur Pontius Pilatus lan tee kota sola bangsa tangngia to-Yahudi na to-Yahudi nnewa Puang Isa kaunan-Ta'. Ia to kaunan mattantun-Ta' mangkamo taangka' menjaji Raja Mangpasalama'.