Lukas 24:45 - Alkitab Duri

⁴⁵ Napamacorami Puang Isa to tangngahna napahangngi to issinna Sura' Allataala.

Lukas 24:45 Iomraidhean Croise

Lukas 24:32

Sipangkada-kadami sola dua nakua, “Gaja endek sumanga'ta' tonna pangkadaiki' jio tangnga lalan, sola mpauanki' battuananna issinna to Sura' Allataala!”

Jamanna Rasulu' 16:14

Den mesa' pangdangkang kaen ungu jio, disanga Lidia to-Tiatira, to ssompamo Puang Allataala. Ia tonna sa'dingngi to pangngajahna Paulus, napakedoi Puang to penawanna natarimai,

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

1 Yahya 5:20

Taissenmo kumua mangkamo mentolino to Anak Allataala na mangka toomo mbenki' kapaissenan, antawa'ding nnissenni indara to Puang tongan. Mesa' penawamiki' sola Puang Allataala tongan, sanga mesa' penawamiki' sola Anak Allataala, Puang Isa Almaseh. Iamo Puang Allataala tongan, to mpangben katuoan melo te'da cappa'na.

Pengkitanna Yahya 3:7

Nasuana' nakua, “Uki'i susi tee lako malaeka'na jamaa jio kota Filadelfia: Ia tee pepasan pole jio mai Aku' to tomala'bih na totongan, to ntoe goncingna Raja Daud. Ia ke kutimbakanni to pelalan, moi mesa' tau te'da wa'ding ssalli'i. Ia ke kusalli'ii, moi mesa' tau te'da wa'ding ntimbakanni.