Lukas 24:44 - Alkitab Duri

⁴⁴ Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Lukas 24:44 Iomraidhean Croise

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 7:13

Kukita tarruh lan tindoku' joo bongi, na den kukita susi Anak Mentolino ratu jao mai langi' nabombonni saleu', nadisolan male mangngolo lako Puang to tuo te'da anggena.

Amos 9:11

Nakua Puang Allataala, “La den wattunna Kulampake'deh pole'i to kaparentanna Raja Daud, to mangka dilanynya'i. Susi tau mpemeloi bola to mangka ro'pok, susi toomi joo kaparentanna Raja Daud Kupaden pole' susi tonna jolona.

Matius 1:22

Susimi joo najaji to kadan-Na Puang Allataala mangka napau nabi tonna anu' kumua,

Matius 16:21

Ia joo wattu napamulami Puang Isa mpauanni to anak gurun-Na kumua, “La malena' de' kota Yerusalem, anna pamaparri'na' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Matius 26:54

Apa ianna susi joo, umbo nakua la jaji to mangka jolomo diuki' lan Sura' Allataala kumua, te'da nawa'ding tanglajaji to apa la jaji tee too?”

Matius 26:56

Apa nang la jaji susi joo, dikua anna jaji to diuki' lan sura'na nabi.” Mangkai joo too pada sipalaianmi to anak gurun-Na ssalaii.

Markus 9:31

nasaba' anak gurun-Na manda la naajahhi. Nakua Puang Isa lako, “Ia tee Aku' Anak Mentolino, la dipangbenna' lako kuasanna tolino, la dibunona', apa allo mangpentallun la dipatuo pole'na' jio mai kamatean.”

Lukas 21:22

Nasaba' ia joo allo iamo allo nanii mangpabalahhi Puang Allataala, dikua anna jaji to apa diuki' lan Sura' Allataala.

Lukas 22:37

Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”

Lukas 24:46

Nakuanni kumua, “Den diuki' lan Sura' Allataala kumua ia to Raja Mangpasalama' la maparri', na la tuo pole' jio mai kamatean, ke allo mangpentallun.

Lukas 9:22

Nakuapa Puang Isa, “Ia tee Aku' Anak Mentolino, la gaja parri'na'. La naewana' pekaamberan to-Yahudi, kapala imang sola guru agama. La dibunona', apa ia ke allo mangpentallun, la dipatuo pole'na' jio mai kamatean.”

Lukas 9:44

“Pesa'dingngii mituli nningaranni tee kadang-Ku'! ‘Ia tee Aku' Anak Mentolino, la dipangbenna' lako kuasanna tolino.’ ”

Yahya 3:14

Susi Nabi Musa tonna palakoi kaju to ulah tambaga napamajaoi jio padang pallawangan tonna anu', susi toda Aku' Anak Mentolino, la dipamajaona',

Yahya 5:39

Mpelajahhi kamu' issinna Sura' Allataala, nasaba' misangai kumua iamo joo mipugauk ammiampa' katuoan melo te'da cappa'na. Na moi Sura' Allataala, Aku' bang una to napau,

Yahya 5:46

Ia ke la matappa' tongan kamu' lako Nabi Musa, tantu la matappa' too kamu' lako Aku', sanga Aku'ra to napau Nabi Musa lan sura'na.

Jamanna Rasulu' 13:33

mangkamo napugauk Puang Allataala lako kita', tonna patuoi to Puang Isa jio mai kamatean. Susi to napau jolomo lan Pangpujian mangpenduan, ‘Ikomo Anak-Ku'. Mammula tee too Aku'mo ambe'mu.’

Jamanna Rasulu' 13:40

Iamo joo la mangpesa'ding melo kamu', danggi' najaji lako kalemi to apa dipau lan sura'na nabi nakua,

Jamanna Rasulu' 2:27

Nasaba' te'da taeloranna' torro lan lino tomate, na te'da too taeloran batang kaleku' la buruk lan lamunan, sanga Aku'mo kaunan-Ta' to mangka tapilei.

Jamanna Rasulu' 3:18

Apa moi nasusi joo, jajimi to apa pura napasan Puang Allataala to napau sininna nabin-Na tonna anu', kumua ia to Raja Mangpasalama' la gaja parri'.

Jamanna Rasulu' 7:37

Ia toomo mpauanni to bangsa Israel kumua, ‘La napadenan kamu' Puang Allataala mesa' nabi susi tee aku', napilei lan mai rapummi.’

Ibrani 10:1

Ia joo atoran agama to-Yahudi bajo-bajona bangra joo kasalamatan la ratu, jaji tangngiapa to sitonganna. Te'da nakullei joo atoran mpupenjaji meloi to tompassompan karoba lako Puang Allataala, moi narundun taun tuli ndadu'i massompa susi joo.

Ibrani 3:5

Najama tarruhhi Nabi Musa to jamanna ntulung sininna taun-Na Puang Allataala susi mesa' todisua. Ia to panggaukanna Nabi Musa iamo bajo-bajona apa to undinna la napangpeissenan Puang Allataala.

Ibrani 7:1

Raja joo Melkisedek jio kota Salem tonna anu' na imang tooi to nnurusu' kamassompan lako Puang Allataala to kaminang mala'bih. Ia tonna polemo Nabi Ibrahim mangrari ntalo ba'tu pira-pira raja, malemi imang Melkisedek ntammuii nabarakka'ii.

Ibrani 9:8

Susimi joo napamanassai Roh Allataala kumua ianna den unapa joo Ngenan Macero, te'dapa nawa'ding to tolino mentama Ngenan Kaminang Macero.

1 Petrus 1:11

Roh-Na Almaseh ngkuasai tuu lako nabi anna pau joloi to kamaparrisan la naperasai Almaseh sola kamala'biran to naampa' o undinna. Napesa' tarruhhi sanga madoangngi nnissenni kumua piranra nalajaji joo kasalamatan na umbo nakua carana la jaji.

Pengkitanna Yahya 19:10

Suju'na' jio olona joo malaeka' la ssompai, apa napangkadaina' nakua, “Danggi'! Danggi' sompana'. Puang Allataalara musompa! Nasaba' pada todisuariki' sola to sile'tomu to nturu' pangngajaran-Na Puang Isa!” Ia joo pangngajaran-Na Puang Isa iamo mpamasumanga' nabi.