Lukas 24:4 - Alkitab Duri

⁴ Jenjen bangmi ntuu jio, sanga pussakki ntangngahhi joo, ta'pa denmi dua tau ke'deh jio sa'dena mangpakean cumbia'-bia'.

Lukas 24:4 Iomraidhean Croise

Markus 16:5

Ta'pa tarruhmi tama liang. Apa gaja sabakanni, sanga ngkitai tokallolo mangpakean baju malando mabuccang cumadokko jio sa'de kanan.

Lukas 2:9

Ta'pa denmi malaeka'-Na Puang Allataala mpapajan kalena, naarrangngi arrang kamala'biran pole jio mai Puang Allataala nnarrangngi tuu lako tomangrewa, na liwa' simalajatan.

Lukas 24:5

Tarruh malaja'i, nacukku suju' do' litak, anna ia joo tau dua ngkuanni, “Ciapari miangah totuo lan tangnga-tangngana tomate?

Jamanna Rasulu' 1:10

Ia tonna da'tanpa mentingngara de' langi', tonna dipaendek Puang Isa de', tangdikalannai naden dua tau ke'deh jio sa'dena mangpakean mabuccang,

Jamanna Rasulu' 12:7

Tangdikalannai naden malaeka'-Na Puang ke'deh jio sikandoppi' Petrus na den to arrang mangngarrang lan joo pangtarungkuan. Natundanni to Petrus, naroge-rogei to ajena nakuanni, “Ee! Mi'cokko madoi'!” Ta'pa tibuka bang unami to rante lan mai limanna.

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”