Lukas 24:26 - Alkitab Duri

²⁶ Tanglamperasairaka kamaparrisan jolo' to Raja Mangpasalama', namane' ntarima kamala'biran-Na?”

Lukas 24:26 Iomraidhean Croise

Daniel 9:26

Ia tonna cappa'namo joo wattu la dipateii joo mesa' tau mangka Napilei Puang Allataala mangparenta, moi na te'da lalo salana. Ratumi mesa' raja to gaja lapuh sola surudadunna la ssolangan kota Yerusalem sola Bola Puang Allataala, apa la matei nasaba' wai saba', na ratu lako ke la kama'mi lino la den kasirarian sola kaancurusan susi to mangka Napattantu Puang Allataala.

Lukas 24:44

Ia tonna mangkamo joo, nakuamo Puang Isa lako anak gurun-Na, “Iamora tee to pura kupauan kamu' tontasola unapa, kumua sininna to pangnguki' mpauna' lan sura'na Nabi Musa, nabi laen, na Pangpujian, nang la jajinna ia.”

Lukas 24:46

Nakuanni kumua, “Den diuki' lan Sura' Allataala kumua ia to Raja Mangpasalama' la maparri', na la tuo pole' jio mai kamatean, ke allo mangpentallun.

Lukas 24:7

kumua, ‘Ia tee Aku' Anak Mentolino, la dipangbenna' lako kuasanna tomadosa, napampangna', na ia ke allo mangpentallun la tuo pole'na'.’ ”

Yahya 2:22

Mangkamira tuo pole' Puang Isa jio mai kamatean-Na, namane' nningaranni anak gurun-Na kumua mangkamo napau joo. Mane'ri nakatappa'i to apa diuki' lan Sura' Allataala sola to apa mangka napau Puang Isa.

Yahya 20:9

(Ratu lako joo wattu, te'dapa napahangngi to apa diuki' lan Sura' Allataala kumua, “La tuo pole'i jio mai kamatean.”)

Jamanna Rasulu' 17:3

Naajahhii napabuttian tooi mpake Sura' Allataala, kumua ia to Raja Mangpasalama' to napau Sura' Allataala, la mate Ia, natuo pole' jio mai kamatean. Nakuapa Paulus, “Raja Mangpasalama' to Puang Isa kupangpeissenan lako kamu'.”

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.

1 Petrus 1:11

Roh-Na Almaseh ngkuasai tuu lako nabi anna pau joloi to kamaparrisan la naperasai Almaseh sola kamala'biran to naampa' o undinna. Napesa' tarruhhi sanga madoangngi nnissenni kumua piranra nalajaji joo kasalamatan na umbo nakua carana la jaji.

1 Petrus 1:3

Tamangkurru sumanga' lako Puang Allataala, Ambe'-Na Puangta' Puang Isa Almaseh! Liwa' Ia ngkamaseiki', anna patuo pole'i to Puang Isa Almaseh antawa'ding nnampa' katuoan baru. Iamo joo tangbataki' rrannuan Puang.