Lukas 23:35 - Alkitab Duri

³⁵ Sike'deran to tau ntuu jio mengkita, na ia to pekaamberan to-Yahudi ncapa'-capa'i Puang Isa nakua, “Mangkamo Ia mpasalama' tau laen. Ia ke tonganni napilei Puang Allataala menjaji Raja Mangpasalama', nampasalama' kalena tee too!”

Lukas 23:35 Iomraidhean Croise

Matius 12:18

“Iamo tee to pesuro-Ku' kupilei. Iamo tee kupakamoja', to mpamasannangna'. La kuben kapakullean pole jio mai Roh-Ku' Napangpeissenanni to parenta-Ku' lako sininna bangsa.

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Lukas 16:14

Den to-Farisi ssa'dingngi apa to napau Puang Isa, napetawai-tawaii, nasaba' gaja pangdoi' ngasanni.

Lukas 23:13

Narempunmi Gubernur Pilatus to kapala imang, pekaamberan to-Yahudi sola tobuda.

Lukas 23:39

Den sala mesa'na joo togaja' dipampang ncapa'-capa' Puang Isa nakua, “Kusanga Ikomo Raja Mangpasalama'? Ia ke tongannako, pasalama'moko kalemu, mupasalama' todakan!”

1 Petrus 2:4

Ia to Puang Isa dipasirapang batu ariri petuo. Ia joo batu naca'beanmo tolino, nasaba' nasangai te'da bua'na. Apa ia ke Puang Allataala, nasanga kaminang makeangga'. Memmesa' penawa kamu' sola Puang,