Lukas 23:32 - Alkitab Duri

³² Den toda dua togaja', nasolan surudadu la dipasibuno sola Puang Isa.

Lukas 23:32 Iomraidhean Croise

Matius 27:38

Den toda dua parampo' nasolan Puang Isa dipampang, mesa' jio sa'de kanan-Na na mesa' jio sa'de kairin-Na.

Markus 15:27

Den toda dua parampo' nasolan Puang Isa dipampang, mesa' jio sa'de kanan-Na na mesa' jio sa'de kairin-Na. [

Lukas 22:37

Pugaukki joo, nasaba' la jajimo tee too to diuki' lan Sura' Allataala, to mpauna', nakua, ‘Dikita togaja'i.’ ”

Lukas 23:31

Nasaba' ia ke lako Aku', to sangrapang kaju tuopa, napugaukki susi tee, apa pole' opa ke lako kamu', to sangrapang kaju makasemo!”

Yahya 19:18

Ntuumo jio dinii mpampangngi. Den toda dua tolaen nasolan Puang Isa dipampang, mesa' jio sa'de kairin-Na, na mesa' jio sa'de kanan-Na, na Puang Isa lan tangngana.

2 Timotius 2:9

Ditarungkuna', angkumaparri' butung togaja', nasaba' mpangpeissenanna' Kareba Kasalamatan. Apa ia to kadan-Na Puang Allataala te'da nawa'ding dikammatan.

Ibrani 12:2

La tapugaukmi tapatuju lakoi Puang Isa to penawanta', to mpadenni to kamatapparanta', napupenjajiki' masaranian. Gaja mesirisan joo kamatean jao kaju sitamben. Apa moi nasusi joo te'da nasipattekanni, sanga ia manda naingaran to kamasannangan la naperasai undinna. Na ia tee too cumadokkomi jio kananna cadokkoan mala'bih-Na Puang Allataala namangparenta sola.