Lukas 23:14 - Alkitab Duri

¹⁴ Nakuanni, “Ia tee tau mibawa lako kaleku', misanga kumua nnajahhi sala tau. Na mangkamo kuparessa jio olomi, apa moi mesa' te'da kagajatan kuampa' napugauk la nnewa tomangparenta susi to miparapasanni.

Lukas 23:14 Iomraidhean Croise

Daniel 6:4

La'bih makassing ia to assele' jamanna Daniel na ia to ponggawa laen iarika to gubernur, sanga la'bih melo penawanna, iamo namadoang raja nnangka'i la ngkuasai ngasan karajaanna.

Matius 27:19

Ia tonna cumadokkomo Gubernur Pilatus ntangngahhi tee kara-kara, ratumi to pepasan jio mai bainena kumua, “Danggi' mpentamaii urusanna tee mai tonnewai tuu tau te'da kasalanna, nasaba' kupangtindoan joo tau te'da kasalanna na liwa' melajatan.”

Matius 27:24

Ia tonna kitai Gubernur Pilatus kumua te'damo nalampesa'dingngii tau, na la maricumi, nnalami wai nabasei limanna jio olona tobuda namangkada nakua, “Te'da kupuissenni to kamateanna joo tau! Issenmi kamu' sola ngasan.”

Matius 27:4

Nakua, “Sala tonggomo', nasaba' aku'mora napusaba' naladibuno to totangkasalan.” Apa mebalii tuu lako tau nakua, “Tangngia kami' issenki' tuu. Iko ikona.”

Matius 27:54

Ia to komandan surudadu sola solana to nnampai Puang Isa, silajatan tonganni tonna sa'dingngi to nino sola nakitai to apa jaji, namangkada nakua, “Tonganna, Ia tee tau Anak Allataala.”

Jamanna Rasulu' 13:28

Moi nate'da naampa'i to sipato'na la dinii mbunoi, apa napeta'dai lako Pilatus anna dibuno.

Jamanna Rasulu' 17:11

Ia to to-Yahudi jio kota Berea la'bih melo ia penawanna na ia to to-Yahudi jio kota Tesalonika. Masannang ia ssa'ding karebanna Puang Isa, na allo-allo bang mbaca Sura' Allataala, madoang la nnissenni kumua sicoco'raka pangngajaranna Paulus.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.