Lukas 22:44 - Alkitab Duri

⁴⁴ Gaja parri' penawan-Na Puang Isa, anna mattongan-tonganmi massambajang. To'do to ma'puh-Na do' litak susi rara.]

Lukas 22:44 Iomraidhean Croise

Lukas 22:45

Ia tonna mangkamo massambajang, polemi Puang Isa lako to nanii anak gurun-Na. Natimba'i simammasan, sanga masse gajai penawanna.

Yahya 12:27

Nakua Puang Isa, “Gaja liah penawang-Ku'. Apara to la kupau tee too? La kukuaraka, ‘Oo Ambe', pasalama'na' jio mai tee kamaparrisan’? Te'da, sanga iamo joo nasuanna' Ambe'-Ku', angkuratu.

Roma 8:32

Na ia to Puang Allataala te'da napangnganggai to Anak mperasai parri', kannori napangben menjaji karoba lako kita' sola ngasan. Umbora nakua tanglambenki' to laenna?

Ibrani 5:7

Ia tonna tuo unapa Puang Isa lan lino, massambajangngi napasibawai wai matanna to sarro-Na lako Puang Allataala to makuasa mpasalama'i jio mai kamatean. Natarima Puang Allataala to peta'dan-Na, nasaba' mpamajiongngi kalena na mangpesa'ding lako Puang Allataala.