Lukas 22:18 - Alkitab Duri

¹⁸ La miingaran! Mammula tee too, te'damo kulanniso' pole'pa anggoro', ke te'dapi naratu Puang Allataala mangparenta susi Raja.”

Lukas 22:18 Iomraidhean Croise

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Matius 16:18

Iamo joo, kusangai tooko Petrus, battuananna batu mawatang. Susi batu ariri dinii mpake'deh bola namawatang, susi toomi kusuako la mpemawatangngi tomatappa' lako Aku' na moi kamatean te'da nalantaloii.

Matius 26:29

La miingaran! Mammula tee too, te'damo kulanniso' pole'pa anggoro', ke te'dapi namangparenta Ambe'-Ku', Puang Allataala susi Raja, antasola nniso' anggoro' baru lan Lino Barun-Na.”

Markus 14:23

Mangkai joo too, nnalami isotan anggoro', namangkurru sumanga' lako Puang Allataala, namane' mbenni anak gurun-Na, anna mangngiso' anggoro' sola ngasan.

Markus 14:25

La miingaran tee kadang-Ku' kumua, te'damo kulanniso' pole'pa anggoro', ke te'dapi naratu Puang Allataala mangparenta susi Raja. Iapi joo wattu kumane' nniso' anggoro' baru lan kaparentan-Na.”

Markus 15:23

Ia tonna ratumo de' ntuu joo buntu, napaiso'mi anggoro' dipasirau mur, apa cia'i nniso'i.

Markus 9:1

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitai to Puang Allataala mangparenta susi Raja mpake kuasan-Na!”

Lukas 21:31

Susi toomi ke mikita ngasanmi joo tanda, la miissen kumua cingga'tu'mora naratu Puang Allataala mangparenta susi Raja.

Lukas 22:16

La miingaran! Te'damo kulandadu' pole'pi mang-Paskah ke te'dapi naratu Puang Allataala mangparenta susi Raja, wattunna dinii mpahangngi to battuananna mang-Paskah.”

Lukas 9:27

La miingaran! Sitonganna den kamu' to ntee, te'dapa namate ke te'dapi nakitai to Puang Allataala mangparenta susi Raja.”

Kolose 1:13

Ia toomo mangka lla'paranki' jio mai kuasanna Ballisi' napupenjajimiki' taun-Na lan kaparentan-Na Anak to nakamasei.