Lukas 21:24 - Alkitab Duri

²⁴ Denni to la dipa'dangngi, den tooi to la dijokko nadipali' lako mangrupa-rupa tondok. Na ia to bangsa tangngia to-Yahudi la ssolang-solangngi joo kota Yerusalem angge wattu to napattantu Puang.”

Lukas 21:24 Iomraidhean Croise

Daniel 12:7

Ia joo malaeka' mangrupa tau, nnangka' dua limanna de' langi' na massapah jio olo-Na Puang Allataala to tuo te'da anggena, nakua, ‘La jaji tallung taun sitangnga masainna. Ianna mangkamo diancuru' to kamawatanganna umma'-Na Puang Allataala, mane'ri dianggei joo apa jaji.’

Daniel 8:13

Sitarruhna, kusa'dingngi to dua malaeka' sipangkada. Ia to mesa' malaeka' mekutana nakua, “Pirara masainna la jaji joo apa lan pengkita? Pirara masainna te'da na diparinawa to karoba keallo-keallo nasaba' ia joo kagajatan mesolangan? Pirara masainna joo Bola Puang Allataala disorong lako kuasanna tanduk biccu' anna ia to surudadunna Allataala nalese-lese?”

Daniel 9:27

Ia joo raja nggaraga basse mabanda' lako tau buda pitung taun masainna. Ia tonna mattangnganmo joo wattu tangnaeloranni to karoba sola passompan dipugauk. Na den to liwa' mecarepan to disanga ‘Kagajatan to mesolangan’ la dipatama Bola Puang Allataala, na la lan tarruh, angge lako wattu to Napattantu Puang Allataala nanii lanynya'ii joo raja.”

Lukas 21:25

Nakuapa Puang Isa, “Mangkai joo too, la pajanmi to tanda jio allo, bulan na bintuin. La silajatan na putta tangngahna sininna tolino la ssa'ding bombang menggalugu.

Roma 11:25

Ee todipusile'to! Denpa kareba to parallu miissen to te'dapa napangpeissenanni Puang Allataala lako tau tonna anu'. Madoangna' ammiissenni, anna danggi' mimajao penawa. Ia joo kareba iamo to kumua buda to to-Yahudi dipupembattuk penawanna. Na la susi bangngi joo to sipa'na, saganna'na to bangsa tangngia to-Yahudi dipasalama'.

Ibrani 11:34

nabosianni to api manglaka-laka, te'da nasi'da digajang pa'dang. Malamma, apa memmawatang, nabarani mangrari, anna buda surudadu bangsa laen natalo.

Pengkitanna Yahya 11:2

Apa danggi' omo musuka'i to rante saleananna, sanga ia joo saleanan mangkamo dipangben lako totangnnissenna'. Ia tuu mati' totangnnissenna' la ssolang-solangngi joo kota-Ku' kota Yerusalem patang pulo dua bulanna.