Lukas 21:19 - Alkitab Duri

¹⁹ Ia ammimatappa' tarruh, la miampa' to katuoan melo te'da cappa'na.”

Lukas 21:19 Iomraidhean Croise

Matius 24:13

Apa ia to tomatappa' tarruh ratu lako ssalainna lino, iamo la salama'.

Lukas 8:15

Ia to banne tuo jio litak malompo dipasangrapangngi to tossa'ding kadan-Na Puang Allataala, napallan penawa meloi na maruruh penawanna, namatappa' tarruh sanggenna membua.”

Roma 15:4

Sininna to diuki' lan Sura' Allataala nnajahhiki', dikua antasabbara' ke nakannaki' kamaparrisan, nasamawatang-watangna to rannunta' lako Puang Allataala.

Roma 2:7

Ia to toda'tan bang mpugauk kameloan, nakua anna nnampa' kamala'biran, kadipujian na katangmasolangan, la naben Puang Allataala katuoan melo te'da cappa'na.

Roma 5:3

Te'da na ia manda joo, apa mario tooki', moi nakannaki' kamaparrisan, nasaba' taissen kumua kamaparrisan mpamawatangki',

Roma 5:4

na ia ke mawatangki' te'da tapugauk kasalan ke nakannaki' pecoba antaparannu.

Roma 8:25

Apa ia ke te'dapi taampa'i to apa tarannuan, la sabbara'ki' ntajanni.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

2 Tesalonika 3:5

Dennaa upa' napatuju kamu' Puang ammiissen tonganni kumua napakamoja'mo kamu' Puang Allataala, na Puang Isa Almaseh ntulung kamu' ammimawatang ke naratui kamu' parri'.

Ibrani 10:36

Parallu kamu' sabbara', ammikullei mpugaukki to pakkaeloran-Na Puang Allataala. Ia ke susii joo la mitarimai to apa nabassean kamu'.

Ibrani 6:11

Gaja kirannuan kumua kemmipada masumanga' tarruh ratu lako cappa'na ammitarimai to apa mirannuan.

Ibrani 6:15

Sabbara'i to Nabi Ibrahim ntajanni to janjinna, sanggenna naampa' to apa nabasseanni Puang Allataala.

Yakub 1:3

Sanga miissen kumua la sabbara' kamu', ke da'tan kamu' matappa' lako Puang moi nakanna kamu' pecoba.

Yakub 1:4

La sasabbara'-bara'na kamu', anna te'damo caccami ba'tu kakuranganmi.

2 Petrus 1:6

Na te'da na ia manda joo kapaissenan miangah, apa la mipengkulle-kullei too ngkuasai kalemi. Na te'da na ia manda joo, apa la mawatang kamu' nnoloi kamaparrisan sola nturu' pakkaeloran-Na Puang Allataala.

Pengkitanna Yahya 1:9

Ia tee aku', Yahya, padammi tomatappa'. Dipakario-rio todana' susi kamu', sanga umma'-Na todana' Puang Allataala. Iami joo napasabbara' todana' Puang Isa susi kamu'. Dipali'na' ntee pulau Patmos, sanga mpangpeissenanna' kadan-Na Puang Allataala sola mpauna' kasa'bianku' to curitanna Puang Isa.

Pengkitanna Yahya 13:10

“Ia to tau la ditarungku, nang la ditarungku ia. Na ia to tau la dibuno mpake pa'dang, nang la dibuno ia. Jaji la sabbara'i namatappa' to umma'-Na Puang Allataala.”

Pengkitanna Yahya 14:12

Jaji la sabbara' to umma'-Na Puang Allataala. Iamo to tonturu' pakkaeloran-Na Puang Allataala, namatappa' lako Puang Isa.

Pengkitanna Yahya 3:10

Apa ianna dete'mi to wattu kamasussan nakanna ngasan pecoba to sininna tau lan lino la kupasalama' kamu', sanga mituru'mo to pangngajaran-Ku' mitatta' ntajanna'.