Lukas 20:36 - Alkitab Duri

³⁶ Nasaba' la tuomi susi malaeka' to te'damo nalamate pole'. Menjajimi ia anak Allataala, sanga dipatuo pole'mi jio mai kamatean.

Lukas 20:36 Iomraidhean Croise

Matius 22:30

Nasaba' ia ke mangkami tuo pole' to tau jio mai kamatean, te'damo ia tokebaine-kemuane, apa la tuomi susi malaeka' jao suruga.

Markus 12:25

Ianna tuo pole'mo to tau jio mai kamatean, te'damo ia tokebaine-kemuane, apa la tuomi susi malaeka' jao suruga.

Roma 8:16

Roh Allataala sola penawanta' mpamanassai kumua anak Allataalaki'.

1 Korintus 15:26

Ia to ewali kaminang undinna nataloi, iamo to kuasa kamatean.

1 Korintus 15:42

Susi toomi joo ke dipatuo pole'mi to tomate. Ia ke mateki', dilamunni to batang kaleta', naburuk. Na ia ke dipatuo pole'miki', laenmo joo batang kaleta', te'damo nalaburuk.

1 Korintus 15:49

Ia tee kita' tee too, susimiki' pamula Adam to digaraga jio mai litak, apa la susimiki' Almaseh to pole jao mai suruga keanu'.

Filipi 3:21

Iamo la mpajajii tee batang kaleta' to tangmala'bih menjaji mala'bih susi kale-Na, mpake kuasan-Na to napake too ntaloi sininna apa.

Pengkitanna Yahya 20:6

Masannang to tau to bungahna dipatuo pole'. Sipato'mo ia naputau Puang Allataala. Te'damo ia naladipatama naraka, iamo disanga kamatean mangpenduan. Apa la menjajimi imang-Na Puang Allataala, imang-Na Almaseh na la mangparenta sola sangsa'bu taunna.

Pengkitanna Yahya 21:4

Puangmo la mpa'dii to wai matanna, na te'damo to disanga kamatean, asse penawa, killak, kamasakian, te'da lalomo ia. Ia to apa jolo ta'de ngasanmi.”

Pengkitanna Yahya 22:9

Apa napangkadaina' nakua, “Danggi'! Danggi' sompana'! Puang Allataalara musompa! Sanga pada todisuariki' sola sile'tomu nabi na sininna tonturu' pepasan lan tee sura'.”