Lukas 20:16 - Alkitab Duri

¹⁶ La ratui mbuno ngasanni joo tomendulu, namane' mpangpenduluanni joo bara'bahna lako tolaen.” Ia tonna sa'dingmi tuu lako tau joo pangpasusian, nakuamo, “Napamambela-belai Puang Allataala joo jio mai kaleki'.”

Lukas 20:16 Iomraidhean Croise

Matius 21:34

Ia tonna wattu peanggorosanmo, nasuami to kaunanna male la nnalanni to tawana.

Matius 21:41

Mebalimi tuu lako tau nakua, “La ratui mbuno ngasanni, namane' mpangpenduluanni joo bara'bahna lako tolaen, to wa'ding la mpangbenni lako ampu bara'bah to tawana unamo ia, ke wattunnami.”

Matius 22:7

Ia tonna sa'dingmi joo raja, gaja gallimi. Nasuami to surudadunna male mbunoi to tombuno kaunanna, nasumpun tooi to kotana.

Markus 12:9

Ia tonna mangkamo joo, mekutanami Puang Isa nakua, “Apara la nagaukanni ampu bara'bah tuu lako tomendulu? La ratui mbuno ngasanni joo tomendulu, namane' mpangpenduluanni joo bara'bahna lako tolaen.

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Lukas 20:15

Nabawai lako saleananna bara'bah joo anakkana ampu bara'bah anna bunoi. Apara la nagaukanni ampu bara'bah tuu lako tomendulu?

Jamanna Rasulu' 13:46

Apa kannori sabarani-raninna Paulus sola Barnabas ntarrusanni kada nakua, “Na kamu'mo to-Yahudi jolo' dipauan to kadan-Na Puang Allataala. Apa te'da mitarimai, mipattantu kamu' kumua te'da misipato' ntarima katuoan melo te'da cappa'na. Iamo joo kimale lako bangsa laen.

Roma 11:1

Mekutanana': Te'damoraka napuumma'i Puang Allataala to to-Israel? Umma'-Na unapa! Aku' una tee na to-Israelna' jio mai bati'na Nabi Ibrahim, pangrapuanna Benyamin.

Roma 11:11

Mekutana pole'na': Melolinraka to to-Yahudi dikua nate'damo napuumma'i Puang Allataala? Te'da nasusi joo! Ia to bangsa laen dipasalama', nasaba' dosana to to-Yahudi, dikua anna masere ati to to-Yahudi lako joo bangsa laen.

Roma 3:31

Na ia ke matappa'miki' lako Puang Isa Almaseh, wa'dingmoraka taca'bean to atoran agama? Tantu te'da! Apa sibalikanna taangga'ri ia to atoran agama, nasaba' kamatapparanta' lako Puang Isa Almaseh.

Roma 3:4

Tantu te'da! Moi namangnguraga ngasan to tolino, tonganni ia to napau Puang Allataala, susi to nauki' Raja Daud lan Sura' Allataala, “Oo Puang! Ia to kadan-Ta' la naissen tau kumua tongan, ia ke dikara-karaki' Puang, pataloki'.”

Roma 3:6

Te'da ia nasusi! Nasaba' ia ke te'da namaruruh to Puang Allataala, umbo la nakua rra'tah kara-karana to tolino?

Roma 6:15

Umbomora la takua too? Wa'dingriki'ka mpugauk dosa, nasaba' nakuasaimiki' kameloan penawan-Na Puang Allataala, na te'damo nakuasaiki' atoran agama? Te'da nalasusi joo!

Roma 6:2

Tantu te'da! Te'damo nasipato' ke mpugauk unapiki' dosa, nasaba' mangkamiki' mate sola Almaseh antadila'paran jio mai kuasa dosa.

Roma 7:13

Ia ke susii joo, la kupumateraka to apa melo, iamo to atoranna Nabi Musa? Te'da nasusi joo! Kuasa dosara ia mpaden kamatean. Na ia to kuasa dosa mpakei to apa melo mbunona', anna pajan kumua liwa' gaja' to dosa.

Roma 7:7

Na ia ke susii joo apara la takua? Takuaraka kumua gaja' to atoranna Nabi Musa? Te'da ia! Apa nnissenmo' dosa, nasaba' kuissen to atoranna Nabi Musa. Ia kenna te'da nadiuki' lan atoranna Nabi Musa kumua, “Danggi' ngkadoangngi apanna padammu rupa tau!”, te'da kuissenni to madoang.

Roma 9:14

Ia ke susii joo, la takuaraka kumua te'da namaruruh to Puang Allataala? Te'da nasusi joo! Maruruh Ia to Puang Allataala!

1 Korintus 6:15

Ee, tomala'bihku'! Tantu miissenmo kumua ia to kalemi lesoan kale-Na Almaseh. Nawa'dingraka ke kualaii mesa' to lesoan kale-Na Almaseh kupupenjajii lesoan kalena baine bandarang? Te'da lalo ia nawa'ding!

Galatia 2:17

Apa ianna kami' mpengkulle-kulleii la direken tomelo mpulalan Almaseh, kakitanan kumua tomadosakan susi bangsa tangngia to-Yahudi, battuanannaraka kumua Almaseh to mpusaba'i kimadosa? Te'da lalo nasusi joo!

Galatia 3:21

Ia ke susii joo, sisalaraka to atoran agama na basse-Na Puang Allataala? Te'da lalo ia! Sanga ia ke dibenni atoran agama to tolino to la mpatuoi, manassa iamo mpupenjaji tomeloi ke naturu'i joo. Apa te'da nakullei to atoran agama mpugaukki susi joo,

Galatia 6:14

Ia tee aku', te'da kulampemajaoi penawangku', apa mpakala'bihna' Puangta' Puang Isa Almaseh to mangkamo mate jao kaju sitamben. Iamo joo ia to tolino na atoranna te'damo bua'na lako aku'. Susi too aku' lako tolino.