Lukas 2:4 - Alkitab Duri

⁴ Susi toomi Yusuf male jio mai kota Nazaret jio tana Galilea, lako kota Betlehem jio tana Yudea, kota kajajianna Raja Daud, nasaba' Yusuf bati'na Raja Daud.

Lukas 2:4 Iomraidhean Croise

Matius 1:20

Apa ia tonna mangpikkiri' susi joo, mamma'mi namangtindo. Nakitai lan tindona to malaeka'-Na Puang Allataala mpangkadaii nakua, “Ee, Yusuf, bati'na Raja Daud, danggi' mubata sibali to Maryam, nasaba' ia to kakeba'tanganna jajii sanga kuasan-Na Roh Allataala.

Matius 2:23

Ia tonna ratumo re', torro jiomi mesa' kota disanga Nazaret. Susimi joo najaji to kadan-Na Puang Allataala mangka napau ba'tu pira-pira nabinna tonna anu' kumua, “La disanga to-Nazaret to Raja Mangpasalama'.”

Lukas 2:3

Ia joo wattu pole ngasan to tau lako kampongna la diuki' sanganna.

Lukas 2:5

Malemi Yusuf la mpangpeukiran sanganna sola Maryam, sitangka'na, to mbawamo banda'.

Lukas 4:16

Malemi Puang Isa lako kota Nazaret to dinii mpelobohhii. Ia tonna Allo Katorroan, susi kabiasanna, malei tama bola passambajangan. Ke'dehmi la mbaca Sura' Allataala,

Yahya 1:46

Apa mebalii Natanael nakua, “Te'da lalo ia kameloan messun lan mai kota Nazaret.” Mebalimi Filipus nakua, “Malemoko ngkitai.”

Yahya 7:42

Nasaba' diuki' lan Sura' Allataala kumua, Ia to Raja Mangpasalama' bati'na Raja Daud, na todijajian jio kota Betlehem, to kotana too Raja Daud.”

Rut 1:19

Jaji mpatarruhmi kalingkanna, arannai ratu lako kota Betlehem. Mane' ratui lako, marongka ngasanmi to tau jio, nasikutana to baine nakua, “Naomiraka ia joo?”

Rut 2:4

Te'da namasain ratumi Boas jio mai Betlehem namangbere sallang lako tomejelai nakua, “Dennaa upa' na PUANG Allataala ssolan kamu'!” Napebalii tomejelai nakua, “Dennaa upa' Nabarakka'iki' PUANG Allataala!”

Rut 4:11

Mangkadai to ambe' kampong sola to tau laen cumadokko jio nakua, “Ie', kami' ngasanmo menjaji sa'bi. Dennaa upa' na PUANG Allataala mpupenjajii to balimmu susi Rahel sola Lea, to mpajajianni buda anak to Yakub. Dennaa upa' musugih lan alla'na to-Efrata na mukaissenan jio kota Betlehem.

Rut 4:17

Ia to baine bali bolana nasangai joo pea Obed. Pada mangkadami nakua, “Nnampuimi Naomi mesa' anak muane.” Iamo tee Obed ambe'na Isai na Isai iamo ambe'na Raja Daud.