Lukas 2:34 - Alkitab Duri

³⁴ Nabarakka'imi Simeon sola tallu, namangkada lako Maryam indona joo pea nakua, “Napileimo Puang Allataala tee pea la ssabu'i sola la mpasalama' buda to-Israel. Iamo la menjaji tanda jio mai Puang Allataala to la naewa buda tau,

Lukas 2:34 Iomraidhean Croise

Matius 11:19

Na ratu omo' Aku', Anak Mentolino, kukumande sola mangngiso', nakua omo tau kumua, ‘Kitai joo tomaullak, pangngiso', soba'na passassung sola togaja' sipa'na.’ Apa moi na susi joo, mandalan tangngah to Puang Allataala, na ia to kamandalanan tangngah-Na pajan lan panggaukan-Na.”

Matius 12:46

Ia tonna mangkada unapa to Puang Isa lako tobuda, ratumi indo-Na sola sile'to-Na, najenjen bang jio salean. Madoangngi ssikitanni, apa te'da lalan naola, nasaba' gaja buda tau ntalimbungngi to Puang Isa.

Matius 21:44

Susi to totipessambak lako joo batu, la maicak, na ia to tonai'pinni, la maninnang, susi toomi la jaji lako tau to cia' ntarimana'.]”

Matius 27:63

nameta'da nakua, “Tabe' kita', kiingaranpa to kadan-Na joo tomangpalao sala tonna tuopa nakua, ianna allo mangpentallunnamo, la tuo pole', ade', jio mai kamatean.

Lukas 2:35

dikua anna kakitanan to apa lan penawanna tau. Na iko Maryam, la sikitako kamasussan, to la mpapolloh buammu susi pa'dang mataran.”

Yahya 3:20

Ia to tompugauk panggaukan gaja' nakaba'ci to arrang. Iamo nate'da naratu jio to nanii arrang, nakua nate'da nakitai tau to panggaukan gaja'na.

Yahya 5:18

Iamo tee to kada gaja mpamasumanga' pekaamberan to-Yahudi nnangah lalan la mbuno Puang Isa. Te'da na ia manda to ntengkai atoran Allo Katorroan, apa ia toomo to nakua, “Ambe'-Ku' to Puang Allataala.” Nasaba' ia ke susii joo, mpapadai kalena Puang Allataala.

Jamanna Rasulu' 13:45

Ia tonna kitai to-Yahudi to tobuda, masere atimi nacapa'i to Paulus, napasala tooi sininna to napaunna.

Jamanna Rasulu' 17:6

apa te'da naampa'i. Iamo joo nasirui'-rui'ii to Yason na ba'tu pira-pira tomatappa' laenna lako olona tomangparenta lan kota. Napetambanni nakua, “Ia tee mai tau ntampa bang ia ricu, moi umbo nanii! Na mangten-ten too allo ratumi ntee mai kotata',

Jamanna Rasulu' 24:5

Kikanassaimo tee tau mbawa abala' la'da'! Iamo puanggawana tonturu' pangngajaran-Na Puang Isa, to-Nazaret. Umbo-umbo nanii tuli mpaden kamaricuan lan tangnga-tangngana to-Yahudi lan lili'na lino.

Jamanna Rasulu' 28:22

Apa madoangkan ssa'dingngi to pangngajaran muturu', sanga kisa'ding kumua umbo-umbo nanii, nacacca tau.”

Jamanna Rasulu' 4:26

Sininna raja lan lino mangngatta la parari, na sininna kapala sirempun nnewa Puang Allataala sola Raja Mangpasalama' to napilei.’ ”

Jamanna Rasulu' 6:7

Susii joo laoanna nasatitaleh-talehna to kadan-Na Puang Allataala na sakerangngan-rangnganna too to tomatappa' lako Puang Isa jio kota Yerusalem. Na moi imang buda too memmatappa'.

Roma 9:32

Ciapari na te'da nakullei? Nasaba' te'da namatappa' lako Puang Allataala. Nasangari kumua wa'ding ia ke mpugaukki atoran agama. Jaji titodomi lako “Batu Katitodoan”,

1 Korintus 1:23

Ia to kita' mpangpeissenan mandaki' Almaseh to mate dipampang jao kaju sitamben. Cia' lalo to to-Yahudi ntarimai joo kareba na ia to bangsa tangngia to-Yahudi nasangari curita tangtongan.

Ibrani 7:1

Raja joo Melkisedek jio kota Salem tonna anu' na imang tooi to nnurusu' kamassompan lako Puang Allataala to kaminang mala'bih. Ia tonna polemo Nabi Ibrahim mangrari ntalo ba'tu pira-pira raja, malemi imang Melkisedek ntammuii nabarakka'ii.

Ibrani 7:7

Sininna tau nnissenni kumua matande ia to tomangbarakka'i na ia to todibarakka'i.

1 Petrus 4:14

Ia ke dicapa'-capa' kamu' sanga taun-Namo kamu' Almaseh, la masannang kamu', nasaba' ia joo mpamanassai kumua nakuasai kamu' Roh Mala'bih, iamo to Roh Allataala.