Lukas 19:5 - Alkitab Duri

⁵ Ia tonna dete'mi Puang Isa to nanii Zakheus, mentingngarami, nakua, “Ee, Zakheus, mellaoko madoi', nasaba' la leppangna' tee allo jio bolamu.”

Lukas 19:5 Iomraidhean Croise

Lukas 19:10

Ia tee Aku' Anak Mentolino, ratuna' nnangah sola mpasalama' tolao sala.”

Lukas 19:2

Den mesa' kapala passassung jio disanga Zakheus, gaja sugih.

Lukas 19:4

Kinjara'mi njoloi tobuda, namenteke' de' barana' la ngkitai to Puang Isa, nasaba' ntuumi jio la nanii liu lalan.

Lukas 19:6

Ta'pa naparri-parrimi Zakheus mellao, sanga masannangngi ntarima Puang Isa jio bolana.

Yahya 1:48

Mekutanami Natanael nakua, “Umbora takua nnissenna'?” Mebalimi Puang Isa nakua, “Te'dapa natambaiko Filipus, kukitamoko jiong garonto' ara.”

Yahya 14:23

Mebalii Puang Isa nakua, “Ia to tompakamoja'na', la naturu' to pangngajah-Ku'. La napakamoja' Ambe'-Ku' joo tau. La ratuna' sola Ambe'-Ku' lako to tonturu' pangngajaran-Ku', angkitorro mari'pih sola.

2 Korintus 6:1

Ia tee kami', mpangjamankan Puang Allataala. Iamo joo kimeta'da tongan-tongan lako kalemi, nadanggi' mitangmpuinawai to barakka' kasalamatan mangka mitarima anna membua melo.

Efesus 3:17

Ia ke susimi joo, mari'pihmi Almaseh lan penawammi, nasaba' matappa' kamu' lako kale-Na. Massambajang toona' kumua moi apa mipugauk, mipugaukki nasaba' pangpakamoja'.

Ibrani 13:2

Mabassa kamu' mpaleppangngi lan bolami to tote'dapa miissenni, sanga te'da miissenni tauraka ba'tu malaeka'raka joo tau. Denmo tau ntoratu malaeka', to nasangari tau biasa bang, apa malaeka' ia.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.