Lukas 19:47 - Alkitab Duri

⁴⁷ Mangngajahhii to Puang Isa lan Bola Puang Allataala allo-allo. Na ia to kapala imang sola guru agama nnangah lalan la mbunoi. Susi toda to pekaamberan to-Yahudi.

Lukas 19:47 Iomraidhean Croise

Matius 21:23

Male pole' omi Puang Isa lako rante Bola Puang Allataala, namangngajahhi. Ia tonna mangngajahhimo, ratumi to kapala imang sola pekaamberan to-Yahudi, namekutana nakua, “Apara napenggaronto'i mupugauk ngasanni joo? Indara mbenko kuasa?”

Matius 26:55

Mangkai joo too nakuamo Puang Isa lako joo tobuda, “Misangaraka parampo'na', ammiratu sitakin pa'dang sola mbawa tarasulu' la njokkona'? Allo-allona' mangngajahhi jio Bola Puang Allataala na te'da mijokkona'.

Markus 11:18

Ia tonna sa'dingngi kapala imang sola guru agama joo kadan-Na Puang Isa, nnangahmi lalan la mbunoi. Apa malaja'i, nasaba' jangngah ngasan tuu lako tobuda ssa'dingngi to pangngajah-Na.

Markus 12:12

Ia tonna sa'dingmi pekaamberan to-Yahudi joo pangpasusian napau Puang Isa, naissen kumua, ia napapatui joo kadan-Na. Iamo joo napangngattaimi la njokkoi to Puang Isa apa malaja'i lako tobuda. Iamo joo napada male mpemboko'i.

Markus 14:1

Duang allopa na pangramean Paskah sola pangramean ngkande Roti Tangkeragi. Ia to kapala imang sola guru agama nnangah bang lalan la njokko buni Puang Isa anna bunoi.

Markus 14:49

Allo-alloki' sola ke mangngajahhina' jio Bola Puang Allataala na te'da mijokkona'. Apa nang la jajimi susi joo, dikua anna jaji to diuki' lan Sura' Allataala.”

Lukas 19:48

Apa te'da naampa' lalan la mbunoi, nasaba' sininna tobuda ngkabudaii, na napesa'dingngii to pangngajah-Na.

Lukas 20:19

Naissen guru agama sola kapala imang kumua iara napapatui joo kadan-Na Puang Isa. Iamo joo napengkulle-kulleimi la njokkoi, apa malaja'i lako tobuda.

Yahya 10:39

Nadadu' unapi to tau la njokko Puang Isa, apa mpella'paranni kalena.

Yahya 18:20

Mebalimi Puang Isa nakua, “Tuli mangcurita maruruh bangna' jio olona tobuda. Tuli mangngajahhina' jio bola passambajangan sola jio Bola Puang Allataala to biasa nanii buda to-Yahudi sirempun. Te'dapa naden apa kupau membuni.

Yahya 7:19

Mangkamo kamu' naben Nabi Musa to atoran-Na Puang Allataala tonna anu'! Apa te'da bang kamu' nturu'i joo atoran-Na. Ciapari milambunona'?”

Yahya 7:44

Ba'tu pira-pira to tau madoang njokkoi, apa moi mesa' tau te'da barani.