Lukas 18:19 - Alkitab Duri

¹⁹ Mekutanami Puang Isa lako nakua, “Ciapari musangara' tomelo? Moi mesa' tau te'da ia tomelo, saliwanna Puang Allataala manda Ia.

Lukas 18:19 Iomraidhean Croise

Lukas 1:35

Mebalimi joo malaeka' nakua, “Roh Allataala la rratuiko na kuasan-Na Puang Allataala la torro ssolanko. Iamo joo namala'bih joo pea la jaji nadisanga Anak Allataala.

Lukas 11:13

Jaji, moi mitogaja', la miissen mbenni to melona lako anakkami, apa pole' to Ambe'mi Puang Allataala jao suruga la mben kamu' Roh Allataala ke meta'da kamu'!”

Lukas 18:18

Den pekaamberan to-Yahudi mekutana lako Puang Isa nakua, “Oo Guru, tomelo penawan-Ta'. Pauanna' apara to melona tongan sipato' la kupugauk, angkuampa'i to katuoan melo te'da cappa'na?”

Lukas 18:20

Tantu muissen ngasanmo to parenta-Na Puang Allataala kumua, ‘Danggi' manggauk sala, danggi' pabuno, danggi' boko, danggi' sa'bi tangtongan, kasiri'i to tomatuammu!’ ”

1 Timotius 3:16

Te'da mesa' tau tanglantongananni kumua liwa' ia mala'bihna to pangngajaran kasaranian, to tangkaissenanpa tonna anu', apa ia tee too napangpeissenanmo Puang Allataala. Susi tee joo pangngajaran kasaranian, “Mentolinomo Puang Isa Almaseh. Napabuttii Roh Allataala kumua Iamo napusannang Puang Allataala. Nakita sininna malaeka', napangpeissenanni tau lako sininna bangsa. Nakatappa'i tolino, naangka'i Puang Allataala tama suruga.”

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.